បរទេស៖ ខ្សែប្រយុទ្ធឆ្នើម Lionel Messi ធ្លាប់បានសរសើរអតីតអ្នកចាំទីក្រុម Celtic កីឡាករ Fraser Forster ថា"គេមិនមែនជាមនុស្សលោកនោះទេ" បន្ទាប់ពីអ្នកចាំទីសញ្ជាតិ អង់គ្លេស រូបនេះបង្ហាញទម្រង់លេងយ៉ាងល្អ នៅពេលការប្រកួតទល់នឹងក្រុមអ្នកមានបុណ្យ FC Barcelona កាលពីរដូវកាល ២០១២-២០១៣ ហើយពេលនោះដែរ ខ្សែប្រយុទ្ធសញ្ជាតិ អាហ្សង់ទីន បានចាត់ទុកអ្នកចាំទីវ័យ ៣៦ ឆ្នាំរូបនេះ ថាជាបេក្ខភាពដ៏សក្តិសមបំផុត ដើម្បីមកជំនួស Victor Valdes នៅទឹកដី Camp Nou។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Fraser Forster បច្ចុប្បន្នកំពុងប្រកបអាជីពក្នុងនាមជាអ្នកចាំទីដៃទី ១ នៅក្រុម Tottenham Hotspur ប៉ុន្តែបើយើងក្រឡេកថយក្រោយទៅកាន់រដូវកាល ២០១២-២០១៣ ពេលនោះគាត់កំពុងតែលេងឱ្យក្រុម Celtic ហើយពេលនោះដែរ គាត់ពិតធ្វើឱ្យគ្រប់គ្នាភ្ញាក់ផ្អើលមែនទែន បន្ទាប់ពីគាត់បានជាប់ជា man of the match ក្រោយគាត់បានជួយរារាំងពីការស៊ុតយ៉ាងច្រើនរបស់កីឡាករក្រុម Barca ជាពិសេស Messi រហូតជួយឱ្យក្រុម Celtic បំបាក់ Barcelona ២-១។
ទាក់ទងនឹងរឿងខាងលើ Messi បានថ្លែងពី Fraser Forster កាលពីឆ្នាំ ២០១៥ យ៉ាងដូច្នេះថា៖
ទម្រង់លេងរបស់ Fraser Forster ទល់នឹងយើង ត្រូវបានគេលើកមកនិយាយអស់រយៈពេលជាយូរមកហើយ។ មានការប្រកួតមួយនៅក្នុងប្រទេស ស្កុតលែនដ៍ នៅពេលនោះហើយ គាត់គឺមិនមែនជាមនុស្សនោះទេ។ គាត់គឺជាអ្នកចាំទីដ៏ល្អបំផុត ដែលខ្ញុំធ្លាប់បានឃើញ។... នៅពេលមួយដែល Victor Valdes បាននិយាយថា គាត់នឹងចាកចេញពី Barcelona ហើយ ពួកយើងក៏បានជជែកគ្នាភ្លាមៗ ថាចង់យក Fraser Forster មកលេងនៅទីនេះ...៕
ប្រភព៖ Sportskeeda
Bong I.T