ទីបំផុត Oscar អតីតខ្សែបម្រើ Chelsea រកទ្រនំថ្មីលេងបានហើយ ក្រោយចាកចេញពីក្លិប Shanghai របស់ចិន

បរទេស៖ អតីតខ្សែបម្រើរបស់តោខៀវ Chelsea កីឡាករ Oscar រកបានក្លិបថ្មីលេងជាផ្លូវការហើយ បន្ទាប់ពីគាត់ចាកចេញពីក្លិប Shanghai Port នៃលីគកំពូល ចិន ក្រោយចំណាយពេលស្នាក់នៅទីនោះអស់រយៈពេល ៨ ឆ្នាំ។

ទាក់ទិននឹងរឿងខាងលើ គឺ Oscar មិនបានធ្វើដំណើរទៅណាឆ្ងាយនោះទេ ដោយចុងក្រោយនេះ គាត់បានសម្រេចចិត្តផ្លាស់ទៅលេងនៅក្លិបក្នុងស្រុកកំណើតរបស់ខ្លួនវិញ ជាមួយក្លិប Sao Paulo ក្នុងប្រទេស ប្រេស៊ីល ដែលជាក្លិបកាលពីកុមារភាពរបស់គាត់។

យ៉ាងណាមិញ កាលពីថ្ងៃ អង្គារិ៍ ទី ២៤ ម្សិលមិញនេះក្លិប Sao Paulo បានប្រកាសអំពីការចុះកុងត្រាយកបាន Oscar ជាផ្លូវការហើយ ហើយខ្សែបម្រើវ័យ ៣៣ ឆ្នាំរូបនេះ នឹងក្លាយជាកីឡាករពេញសិទ្ធរបស់ Sao Paulo ចាប់ពីថ្ងៃទី ៣ ខែ មករា ឆ្នាំ ២០២៥ តទៅ៕

ប្រភព៖ Sportskeeda