អង់គ្លេស៖ ខ្សែប្រយុទ្ធរបស់ Udinese បច្ចុប្បន្ន កីឡាករ Alexis Sanchez បានលើកឡើងថា រូបគេហ្វឹកហាត់បានតែមួយថ្ងៃប៉ុណ្ណោះជាមួយ Manchester United ក៏មានអារម្មណ៍ថា ស្តាយក្រោយក្នុងការសម្រេចចិត្តចាកចេញពី Arsenal។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បើយើងក្រឡេកថយក្រោយបន្តិចទៅកាន់ឆ្នាំ ២០១៨ នៅពេលដែល Sanchez កំពុងពេញខ្លាំងនៅ Arsenal រូបគេស្រាប់តែបានធ្វើការសម្រេចចិត្តយ៉ាងភ្ញាក់ផ្អើលមួយ ដោយបានបានចាកចេញពីទីនោះ ដើម្បីផ្លាស់មកកាន់ទឹកដី Old Trafford។
ប៉ុន្តែអ្វីៗដូចជាមិនសមប្រកបទាល់តែសោះសម្រាប់អាជីពរបស់គេ ដោយខ្សែប្រយុទ្ធសញ្ជាតិ ឈីលី វ័យ ៣៦ ឆ្នាំរូបនេះលេងនៅទីនោះបានត្រឹមតែរយៈពេល ២ ឆ្នាំ ជាមួយការបង្ហាញខ្លួនបានចំនួន ៤៥ ប្រកួត និងរកបាន ៥គ្រាប់ប៉ុណ្ណោះ ហើយបន្ទាប់មកទៀតរូបគេក៏បានសម្រេចចិត្តចាកចេញពីទីនោះវិញ ដោយបានផ្លាស់មកកាន់ក្លិប Inter Milan របស់ អ៊ីតាលី។
យ៉ាងណាមិញ ទាក់ទងនឹងរឿងខាងលើ Alexis បាននិយាយថា៖
កាលពីកុមារភាព ខ្ញុំចូលចិត្ត Man UTD ណាស់។ យ៉ាងណា ពេលដែលខ្ញុំចុះហត្ថលេខា ខ្ញុំមិនបានសួរនាំអំពីព័ត៌មានថា ផ្ទៃក្នុងក្លិបមានរឿងអ្វីខ្លះឡើយ។ ពេលខ្លះមានរឿងជាច្រើនដែលអ្នកមិនដឹង រហូតដល់អ្នកទៅដល់ទីនោះ ហើយ ខ្ញុំចាំបានថាការហ្វឹកហាត់ថ្ងៃដំបូង ខ្ញុំបានដឹងរឿងជាច្រើន។ ក្រោយហ្វឹកហាត់ថ្ងៃដំបូងរួច ខ្ញុំបានត្រឡប់មកផ្ទះដោយប្រាប់ក្រុមគ្រួសារ និង ភ្នាក់របស់ខ្ញុំថា តើអ្នកអាចរំសាយកិច្ចសន្យាដើម្បីត្រឡប់ទៅ Arsenal វិញបានអត់? ខ្ញុំប្រាប់ពួកគេថា នៅទីនោះមានអ្វីដែលមិនល្អ ប៉ុន្តែ ខ្ញុំបានទៅដល់ទីនោះ និង ចុះកុងត្រារួចហើយ៕
ប្រភព៖ Metro
Bong I.T