Prank ទៀតហើយ! យប់មិញ Werner បាល់មុខទី៥ម៉ែត្របែរជាស៊ុតបា.ញ់ចាបទៅវិញ (មានវីដេអូ)

អាល្លឺម៉ង់៖ ខ្សែប្រយុទ្ធក្លិប Chelsea និង ក្រុមជម្រើសជាតិអាល្លឺម៉ង់ កីឡាករ Timo Werner ជាថ្មីម្តងទៀតបានធ្វើឲ្យអ្នកគាំទ្រហួសចិត្ត បន្ទាប់ពីរូបគេបានខកខានឱកាសស៊ុតបញ្ចូលទីចម្ងាយប្រមាណប្រាំម៉ែត្រពីមុខទី។

ជាការពិតណាស់ ក្នុងការប្រកួតយប់មិញនេះ អាល្លឺម៉ង់ បានបំបាក់ក្រុមជម្រើសជាតិអ៊ីស្លង់ យ៉ាងចាស់ដៃក្នុងលទ្ធផល៤ទល់នឹង០ នៃការប្រកួតជម្រុះ World Cup ហើយ បួនគ្រាប់ទាំងនោះកើតឡើងដោយកីឡាករ Serge Gnarbry នាទីទី៤, Antonio Rudiger នាទីទី២៤, Leroy Sane នាទីទី៦៤ និង មួយគ្រាប់ជ័យជម្នះរបស់ Werner នេះតែម្តងក្នុងនាទីទី៨៩។

យ៉ាងណាក្តី សម្រាប់ការប្រកួតខាងលើ Werner គួរណាស់តែអាចរកគ្រាប់បាល់បានដល់ទៅពីរគ្រាប់ បន្ទាប់ពីរូបគេបានខកខានឱកាសស្ទើរតែ៩៩ភាគរយនៅនាទីទី៦០ ដោយសារគ្មានអ្នកណារារាំងសូម្បីតែអ្នកចាំទី ប៉ុន្តែរូបគេបែរជាមិនអាចធ្វើបានទៅវិញ៕