បរទេស៖ អតីតវីរបុរសក្លិប Juventus លោក Andrea Pirlo បានមានប្រសាសន៍ថា ប្រសិនបើអតីតកីឡាកររបស់ Barcalona គឺលោក Xavi និង Iniesta មិនដែលឈ្នះពាន Ballon d'Or ផង អ៊ីចឹងលោកក៏គ្មានថ្ងៃឈ្នះវាដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ មុនលោក Pirlo សម្រេចចូលនិវត្តន៍នៅឆ្នាំ ២០១៧ លោកធ្លាប់ប្រកបអាជីពនៅក្លិបធំៗមួយចំនួនផងដែរដូចជា AC Milan និង Juventus នេះជាដើម ហើយលោកក៏ធ្លាប់រួមចំណែកជួយឲ្យ AC Milan ឈ្នះពាន Champion League បានពីរដង និង ជួយឲ្យជម្រើសជាតិអ៊ីតាលីឈ្នះពាន World Cup ផងដែរកាលពីឆ្នាំ ២០០៦។
លោក Pirlo បាននិយាយថា៖
មានមនុស្សច្រើនណាស់ដែលនិយាយថាខ្ញុំស័ក្ដិសមនឹងឈ្នះពាន Ballon d'Or ក៏ប៉ុន្តែខ្ញុំគិតវិញថា បើ Xavi និង Iniesta ខំប្រឹងសម្រេចជោគជ័យក្នុងវិស័យបាល់ទាត់នេះច្រើនហើយ ប៉ុន្តែគេមិនដែលបានឈ្នះបានពាននេះផង អ៊ីចឹងហើយខ្ញុំក៏គ្មានថ្ងៃឈ្នះវាដូចគ្នា៕
ប្រភព៖ Blîng Sports
Bong I.T