ល្អអីល្អយ៉ាងនេះ! Antony យប់មិញទះកោងពីលើដំបូលទូកល្អដូចផ្កា ជួយឱ្យ R.Betis លត់ Gent ៣-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១៤ ខែ កុម្ភៈ ឆ្នាំ ២០២៤ នេះ ក្រុម Gent មកលីគកំពូលប្រទេស ប៊ែលហ្ស៊ិក បានបើកទ្វាកីឡដ្ឋាន Ghelamco Arena របស់ខ្លួន ទទួលស្វាគមន៍ក្រុមភ្ញៀវ Real Betis នៅក្នុងការប្រកួតពានរង្វាន់ Europa Conference League។

ជាការពិតណាស់ នៅក្នុងការប្រកួតនោះ ខាងក្រុមភ្ញៀវ Real Betis ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Gent ក្នុងលទ្ធផល ៣ ទល់នឹង ០ ខណៈដែល ៣ គ្រាប់នោះ គឺរកបានដោយ Antony មួយគ្រាប់, Cedric Bakambu មួយគ្រាប់ និង Sergi Altimira មួយគ្រាប់។

គួរបញ្ជាក់ថា Real Betis បច្ចុប្បន្នកំពុងឈរនៅលេខរៀងទី ១៥ នៃតារាងចំណាត់ថ្នាក់ ក្រោយឆ្លងកាត់ ៦ ប្រកួត ពួកគេឈ្នះ ៣ ស្មើ ១ និងចាញ់ ២ មាន ១០ ពិន្ទុ ចំណែកក្រុម Gent វិញ កំពុងឈរនៅលេខរៀងទី ១៧ ក្រោយឆ្លងកាត់ ៦ ប្រកួតដូចគ្នា ពួកគេឈ្នះ ៣ និងស្មើ ៣ មាន ៩ ពិន្ទុ។

សូមទស្សនាវីដេអូខាងក្រោម៖