ក្តៅៗ! ខ្សែប្រយុទ្ធជំនាន់ MSN រូបនេះ ចង់ត្រឡប់ទៅ Barca វិញនៅរដូវកាលក្រោយ

បរទេស៖ ខ្សែប្រយុទ្ធឆ្នើម Neymar Jr. ត្រូវបានគេរាយការណ៍ថា កំពុងមានបំណងចង់ត្រឡប់ទៅកាន់ទ្រនំចាស់ Barcelona វិញនៅរដូវក្តៅខាងមុខ។ 

Neymar កំពុងសម្លឹងមើលឱកាសវិលទៅប្រកបអាជីពជាកីឡាករបាល់ទាត់នៅទ្វីបអឺរ៉ុបឡើងវិញ ដើម្បីពង្រឹងសមត្ថភាពរបស់គាត់ឱ្យបានរឹងមាំ និងល្អប្រសើរ ដើម្បីត្រៀមក្នុងព្រឹត្តិការណ៍ World Cup ២០២៦។ ក្នុងនោះបើតាមការអះអាងដោយសារព័ត៌មាន អេស្ប៉ាញ ​​Cadena SER បានឱ្យដឹងថា ខ្សែប្រយុទ្ធសញ្ជាតិ ប្រេស៊ីល វ័យ ៣៣ ឆ្នាំរូបនេះ គឺបានដាក់គោលដៅធំ ថាគាត់គឺចង់ទៅលេងជាមួយក្លិប Barcelona ម្តងទៀត។

គួរបញ្ជាក់ថា Neymar បន្ទាប់ពីបញ្ចប់កុងត្រាជាមួយក្លិប Al-Hilal របស់ អារ៉ាប៊ីសាអ៊ូឌីត បច្ចុប្បន្នរូបគេកំពុងលេងឱ្យក្លិប Santos នៅឯស្រុកកំណើតក្នុងកុងត្រារយៈពេល ៦ ខែ។

ប្រភព៖ beIN SPORTS