តួឯកស្រីក្នុងរឿង F4 តាមពិតជាហ្វេនស្មោះស្ម័គ្ររបស់ក្រុមតារា​ Kpop នេះ

កម្សាន្ត៖ ប្រិយមិត្តដែលជាហ្វេនរបស់ រឿង F4 ប្រាកដជាដឹងហើយថា រឿងនេះ ត្រូវបានថៃយកទៅបង្កើតជាខ្សែភាពយន្ដថ្មី ដែលចាក់បញ្ចាំងកាលពីពេលថ្មីៗនេះ។ នៅក្នុងនោះ ចូលរួមសម្ដែងដោយ តារាប្រុស Bright Vachirawit និងតារាស្រី Tu Tontawan ដែលសម្ដែងជាតួឯកស្រី។

អ្វីដែលធ្វើឲ្យមហាជនកាន់តែចាប់អារម្មណ៍តារាស្រីនេះគឺ ព្រោះតែនាងបញ្ជាក់ថាខ្លួនជាហ្វេនរបស់ក្រុមតារាចម្រៀងកូរ៉េ NCT ពិតប្រាកដ។ ជាមួយគ្នានេះដែរ នៅពេលសមាជិក F4 សួរនាងថា តើរវាងក្រុម F4 និង ក្រុម NCT នាងជ្រើសយកមួយណា។

ក្រោយមក Tu ឆ្លើយដោយមិនស្ទាក់ស្ទើថា ខ្លួនជ្រើសរើសយកក្រុម NCT ដោយសារតែនាងគឺជា NTCzen ដែលជាហ្វេនរបស់ក្រុមតារាកូរ៉េមួយនោះឯង។ មិនតែប៉ុណ្ណោះ តារាស្រីរូបនេះ មិនត្រឹមតែជាហ្វេនរបស់ក្រុមនេះនោះទេ នាងក៏ជាអ្នកគាំទ្ររបស់ ក្រុម​ Exo ផងដែរ ដែលធ្វើឲ្យហ្វេនៗដូចគ្នាសប្បាយចិត្តជាខ្លាំង៕

ប្រភព៖​ Kpop News