Gordon ព្រលះពីលើដំបូលទូកមួយជើងឡងជាមួយ Maguire ធ្វើឱ្យ De Gea បានត្រឹមហក់ចាប់ខ្យល់ ខណៈ Everton បំបាក់ Man UTD ១-០(មានវីដេអូ)

បរទេស៖ កាលពីល្ងាចថ្ងៃ សៅរិ៍ កន្លងទៅត្រូវនឹងថ្ងៃទី ០៩ ខែ មេសា ឆ្នាំ ២០២២ ក្រុមម្ចាស់ផ្ទះ Everton បានបើកទ្វាកីឡដ្ឋាន Goodison Park របស់ខ្លួនទទួលស្វាគមន៍ក្រុមភ្ញៀវ Manchester United នៅក្នុងការប្រកួតសប្តាហ៍ទី ៣២ នៃក្របខណ្ឌ Premier League។

ជាការពិតណាស់ ជំនួបរវាងក្រុមទាំង ២ ពិតជាតានតឹងមែនទែន ប៉ុន្តែជារួមខាងក្រុមម្ចាស់ផ្ទះ Everton ហាក់ធ្វើបានល្អជាង ដោយអាចទទួលជ័យជម្នះទៅលើក្រុមភ្ញៀវ Man UTD ក្នុងលទ្ធផល ១-០, ខណៈមួយគ្រាប់នោះគឺរកបានដោយខ្សែប្រយុទ្ធវ័យក្មេង Anthony Gordon នៅនាទីទី ២៧។

គួរបញ្ជាក់ថា ក្រោយទទួលបាន ៣ ពិន្ទុយ៉ាងសំខាន់ពេលនេះ Everton កំពុងបន្តឈរនៅលេខរៀងទី ១៧ ដដែល ដោយធានាសុវត្ថិភាពមិនអាចធ្លាក់ទៅតំបន់កាត់ចោលបាន, ដោយឡែក Man UTD វិញកំពុងឈរនៅលេខរៀងទី ៧ មាន ៥១ ពិន្ទុក្នុងដៃ ស្មើគ្នាជាមួយ West Ham ដែលកំពុងឈរនៅលេខរៀងទី ៦៕

សូមទស្សនាវីដេអូខាងក្រោម៖