អេស្ប៉ាញ៖ លោក Marco van Basten បានរិះគន់ទម្រង់លេងរបស់ក្រុម Atletico Madrid ដោយនិយាយថាលោក និងមនុស្សឯទៀត សុខចិត្តទៅមើលកុនក្នុង Netflix ប្រសើរជាងមកមើលក្រុមនេះលេងបាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ភាគីលោក Diego Simeone បានប្រកួតចាញ់ Manchester City ១ ទល់នឹង០ ក្នុងការប្រកួត Champions League ជើងទី១វគ្គ៨ក្រុម ដោយគេសង្កេតឃើញថាលោកបានប្រើទម្រង់ការពារតាមបិទ Man City ជាជាងផ្ដោតលើការស៊ុតបញ្ចូលទីហើយកីឡាករទាំងអស់ក្នុងក្រុមគឺគ្មាននរណាម្នាក់ស៊ុតបញ្ចូលទីចំគោលដៅនោះឡើយ។
ដូច្នេះហើយទើបលោក van Basten បានរិះគន់ក្រុមនេះប្រាប់ Ziggo Sport ថា៖
អ្វីដែល Atletico Madrid ធ្វើគឺវាស្របនឹងច្បាប់ គឺគេអនុញ្ញាតឲ្យធ្វើបែបនោះប៉ុន្តែវាពិតជាបង្កភាពភ្ញាក់ផ្អើលដល់ខ្ញុំណាស់ដែលក្រុមមានកីឡាករ១០នាក់រត់ដេញតាមបាល់ពេញ៩០នាទី និងប្រឹងធ្វើយ៉ាងណាកុំឲ្យរបូតគ្រាប់បាល់។ ស្ថាប័នទាក់ទងនឹងបាល់ទាត់ដូចជា FIFA គួរតែចាប់ផ្ដើមគិតរកវិធីធ្វើយ៉ាងណាឲ្យការលេងបាល់កាន់តែគួរឲ្យចាប់អារម្មណ៍។ជាមួយស្ទាយ៍លេងបែបនេះគឺគ្មានភាពទាក់ទាញទាល់តែសោះ។ អ្នកផ្សេងទៀតអាចនឹងប្ដូរប៉ុស្តិ៍ទៅមើល Netflix វិញប្រសើរជាងមើលការប្រកួតពួកគេ។
ប្រភព៖ football-espana
Bong I.T