មិននឹកស្មានថា Mo Amena មានប្រវត្តិស្នេហ៍បែបនេះសោះ...

ថៃ៖ សម្រាប់ Mo Amena គឺជាតារា​សម្ដែង​ដ៏​ជំនាញ​ម្នាក់​ក្នុង​វិស័យ​សិល្បៈ ដែលអាចឆក់យកបេះដូងអ្នកទស្សនាជាច្រើន ជាមួយនឹងសមត្ថភាពរបស់នាង រហូតដល់ពេលនេះ តារាស្រីរូបនេះ ថែមទាំងត្រូវបានអ្នកគាំទ្រកំពុងតែចាប់អារម្មណ៍ពីជីវិតផ្ទាល់ខ្លួនរបស់នាងយ៉ាងខ្លាំង ទៀតផង។ 

ជាមួយគ្នានេះដែរ នៅពេលដែល តារាស្រីរូបនេះ បានក្លាយជាភ្ញៀវពិសេសក្នុងកម្មវិធីមួយ Mo Amena បានបើកបង្ហាញរឿងរ៉ាវជីវិត នៅគ្រប់មជ្ឈដ្ឋានទាំងអស់។ ទន្ទឹមនឹងនោះ នាងក៏បានបង្ហើបពីប្រវត្តិស្នេហ៍របស់ខ្លួនថា នាងធ្លាប់សម្រេចចិត្តបែកគ្នាជាមួយបុរសម្នាក់ ដែលបានរួមរស់ជាមួយគ្នា៥ឆ្នាំ ដោយសារតែចាប់បានថា ម្នាក់នោះគឺជា Playboy ធ្វើឲ្យមនុស្សស្រីផ្សេងមានផ្ទៃពោះ រហូតឈានដល់ការលែងលះ ។ 

មិនត្រឹមតែប៉ុណ្ណោះ អ្វីដែលធ្វើឲ្យអ្នកគាំទ្រកាន់តែចាប់អារម្មណ៍ជាងនេះ Mo Amena ក៏បានបើកបង្ហាញជាមួយនឹងអាថ៌កំបាំងមួយទៀត ដែលនាងធ្លាប់បានណាត់ជួបជាមួយតារាសម្តែងម្នាក់រយៈពេល ៨ខែ ហើយពេលនេះ នាងថែមទាំងបើកឡានទៅជួបរាល់ព្រឹកទៀតផង ហើយថែមទាំង​មិន​មាន​កើត​រឿងអ្វីឡើងនោះ​ទេ។ រហូត​ដល់​ចុងក្រោយ នាងស្រាប់តែចាប់បានថា បុរសម្នាក់នោះគឺជា​ខ្ទើយផងដែរ។

ដោយសារតែបែបនេះ Mo Amena បានបង្ហើបថា នាងសម្រេចចិត្តឈប់ទាក់ទងមនុស្សប្រុសទៀតហើយ ដោយ​វិល​មក​រួម​រស់​ជាមួយនឹង​ Tomboy វិញ ព្រោះ​នាងមាន​អារម្មណ៍​ថា មាង​មិន​អាច​ស្រលាញ់​មនុស្ស​ប្រុស​បាន​ទៀត​ទេ៕

ប្រភព៖ Kapook

សូមទស្សនារូបភាពខាងក្រោម៖