កុំឲ្យថាប៊ីគីនីដដែលៗ សុគន្ធ និសា ទៅលេងសមុទ្រ ពាក់រ៉ូបបិទកជិតឈឹង

កំពង់សោម៖ ពិតណាស់ តារាចម្រៀង សុគន្ធ និសា ជាតារាស្រីល្បីឈ្មោះក្នុងវិថីសិល្បៈរយៈពេលច្រើនឆ្នាំមកហើយ រហូតដល់បច្ចុប្បន្ន រូបនាងក៏នៅតែ អាចរក្សាបានប្រជាប្រិយភាពរបស់ខ្លួន ក្នុងវិស័យចម្រៀងនៅកម្ពុជាបាន ដដែរ ពិតជាគួរឲ្យកោតសរសើរ។  

មិនតែប៉ុណ្ណោះ តារាស្រីរូបនេះ ក៏ត្រូវហ្វេនៗផ្ទុះការចាប់អារម្មណ៍យ៉ាងខ្លាំង នឹងរូបសម្បត្តិនៅតែស្រស់ស្អាត អាយុកាន់តែជ្រេមែនពិត តែមិនចេះចាស់ទាល់តែសោះ បែរជា កាន់តែចាស់​ កាន់តែខ្ញង់ទៅវិញ។

ជាពិសេសនោះគឹ សុគន្ធ និសា ត្រូវមហាជនសរសើរមិនដាច់ពីមាត់នូវអត្តចរិកសុភាពរាបសារ សំដីសំដៅពីរោះស្រទន់ ថែមទាំងនិយមតុបតែងខ្លួនបែបស្រគត់ស្រគុំ ដែលកម្រនឹងឃើញអ្នកនាង ស្លៀកពាក់ស៊ិចស៊ីលេចលើក្រោមណាស់។ ជាក់ស្ដែង ហ្វេនៗកាន់តែចាប់អារម្មណ៍ នៅពេលដែលតារាស្រីរូបនេះបានទៅលេងនៅឯសមុទ្រ តែបើក្រលេកមើលការស្លៀកពាក់ នាងបានមកជាមួយនឹងរ៉ូបត្រឹមជង្គង់ មានរំលេចរូបផ្កា ដៃវែងបិទកជិតតែម្ដង៕

សូមទស្សនារូបភាពខាងក្រោម៖