អបអរ សួស វីហ្សា សម្រា»»-ល»»-កូ»»-នទី ២ នៅថ្ងៃនេះ

កម្សាន្ត៖ គឺជាដំណឹងល្អមួយ ពីតារាចម្រៀងស្រី អ្នកនាង សួស វីហ្សា និងស្វាមី តារាសម្ដែង លោក ថមមី ក្រោយពីបានបង្ហាញរឿងដ៏មានសុភមង្គល នៅលើបណ្ដាញសង្គម ពីអ្នកនាង សួស វីហ្សា ដែលបានសម្រាលបានកូនប្រុសម្នាក់ ដែលជាកូនទី ២ ក្នុងគ្រួសារ។

ក្នុងនោះដែរ តារាសម្ដែង លោក ថមមី បានបង្ហោះវីដេអូ នៅលើបណ្ដាញសង្គមហ្វេសប៊ុក នៅថ្ងៃទី ៣​ ខែមេសា នេះ ដោយបានបង្ហាញថា ភរិយារបស់ខ្លួនបានសម្រាលកូនទី២ យ៉ាងជោគជ័យ ព្រមទាំងបានបង្ហើបឈ្មោះកូនប្រុស ដែលមានឈ្មោះថា ថង សាតារាពិសិទ្ធិ ហៅអូន ចននី ។

យ៉ាងណាមិញ បន្ទាប់ពីបានឃើញដំណឹងល្អមួយនេះហើយ ហ្វេនៗអ្នកគាំទ្រជាច្រើន ក៏បានចូលរួមអបអរសាទរ និងបង្ហាញក្ដីរំភើបជាមួយនឹងក្រុមគ្រួសារតារាប្រុសស្រីទាំងពីររូបនេះ ផងដែរ៕

សូមទស្សនារូបភាពខាងក្រោម៖