គួរឲ្យស្ដាយ ជីវិតក្រោយលែងលះ Angelababy និងអតីតស្វាមី ប្រែទៅជាបែបនេះ

ចិន៖​ ថ្មីៗនេះ យោងតាមសារព័ត៌មាន Sohu បានលើកឡើងអំពី តារាស្រី Angelababy និងអតីតស្វាមី លោក Huang Xiaoming ដែលពួកគេត្រូវបាន ជាប់នៅក្នុងពាក្យចចាមអារ៉ាម អំពីការជួបជុំគ្នាឡើងវិញ ក្នុងពេលដែលខាងស្រី ត្រូវ​បាន​គេ​និយាយ​ថា ​កំពុង​តាម​ដាន​សកម្មភាព​របស់​ អតីត​ស្វាមី​យ៉ាង​ស្ងៀម​ស្ងាត់ ​នៅ​លើ​បណ្ដាញ​សង្គម។ តែទោះជាយ៉ាងណា ខាងអ្នកគាំទ្រ Angelababy ក៏បានចេញមកបដិសេធ។ 

ដោយឡែក តាមប្រភពដដែលនេះ ក៏បានបង្ហាញថា Angelababy និង អតីតស្វាមី នៅតែមានអាកប្បកិរិយាគួរសម និងគោរពគ្នាទៅវិញទៅមក បន្ទាប់ពីការលែងលះ ដោយពួកគេជៀសវាង ពីការលើកឡើងពីជីវិតឯកជនរបស់ខ្លួន ដែលទាក់ទងនឹងគ្នាទៅវិញទៅមក នៅក្នុងប្រព័ន្ធផ្សព្វផ្សាយ។ ខណៈដែលនៅក្នុងជីវិតពិត អតីតប្ដីប្រពន្ធគូនេះ បង្ហាញទំនាក់ទំនងមិនរាក់ទាក់គ្នាឡើយ ហើយអ្នក​ទាំង​ពីរ​ ក៏មិន​ធ្លាប់​បាន​ជួប​គ្នា​ជា​លក្ខណៈ​ឯកជន ឬ​នាំ​កូន​ចេញ​ជាមួយ​គ្នា​ទេនោះទេ បន្ទាប់ពីបានបែកគ្នា។

គួររំឮកផងដែរថា ក្រោយ​ពី​បញ្ចប់​នីតិវិធី​លែងលះ​ជា​ផ្លូវការ អតីតប្ដីប្រពន្ធ Angelababy និង Huang Xiaoming ​មិន​បាន​តាមដាន​គ្នា​ នៅលើ​បណ្តាញ​សង្គមនោះទេ ហើយពួកគេ ក៏បានលុបការបង្ហោះ និងរូបភាពទាំងអស់ដែលទាក់ទងគ្នាទៅវិញទៅមក ផងដែរ៕

ប្រភព៖ Zingnews

សូមទស្សនារូបភាពខាងក្រោម៖