ពូឃ្លាំងចេញមកលើកនេះ គេគាំងគ្រប់គ្នា

កម្សាន្ត៖ កាលពីថ្ងៃទី២៦ ខែវិច្ឆិកា ម្សិលមិញនេះ តារារ៉េបជើងចាស់ ដ៏មានឈ្មោះបោះសម្លេង លោក ពូឃ្លាំង បានត្រឡប់មកអង្រួនបេះដូងអ្នកគាំទ្រដល់ឆាកប្រគុំតន្ត្រី ដែលចូលរួមជាពិសេស ដោយតារា Kpop CL និងតារាចម្រៀងល្បីៗជាច្រើនដួងផងដែរ។

អ្វីដែលធ្វើឲ្យអ្នកទស្សនាលាន់មាត់សរសើរគ្រប់គ្នានោះ គឺ ពូឃ្លាំង បានសម្ដែងចម្រៀងរបស់ខ្លួនបូករួមជាភ្លេងបុរាណ អមជាមួយដោយសិល្បៈបុរាណជាច្រើនមុខបញ្ចូលគ្នា។ ដោយនៅក្នុងនោះមានដូចជា ឆៃយាំ លោ្ខនបាសាក់ ល្ខោនស្បែកធំ របាំអក្សរា និង ក្បាច់គុនល្បុកតោ ជាច្រើនទៀត។

ស្របពេលជាមួយគ្នានិងបទចម្រៀងបែបញាក់កន្ត្រាក់អារម្មណ៍របស់ ពូឃ្លាំងនេះផង បានធ្វើឲ្យទស្សនិកជនដែលទស្សនាខនសឺតផ្ទាល់ រាំញាក់គ្រប់ៗគ្នា។ មិនតែប៉ុណ្ណោះ នេះក៏ជាលើកដំបូងរបស់តារាប្រុសរូបនេះ ដែលបានចូលរួមសម្ដែងក្នុងខនសឺតខ្នាតធំ ទទួលបានការគាំទ្រនឹកស្មានមិនដល់៕

ប្រភពរូបភាព៖ Vattanac Beer & Pou Klaing