អបអរសាទរ! ក្រុមជម្រើសជាតិបាល់ទាត់នារី ក្នុងព្រឹត្តិការណ៍ស៊ីហ្គេម រកឃើញម្ចាស់មេដាយមាសហើយ

ភ្នំពេញ៖ ជាការពិតណាស់ ប្រភេទកីឡាបាល់ទាត់ជម្រើសជាតិនារី ត្រូវបានប្រកួតក្នុងវគ្គវគ្គផ្ដាច់ព្រ័ត្រ កាលពីថ្ងៃទី១៥ ខែឧសភា ឆ្នាំ២០២៣ ម្សិលមិញនេះ ដែលការប្រកួតធ្វើនៅ ឯពហុកីឡដ្ឋានជាតិអូឡាំពិក រវាងក្រុមជម្រើសជាតិនារី វៀតណាម ប៉ះគ្នាជាមួយក្រុមជម្រើសជាតិនារី មីយ៉ាន់ម៉ា។

ជាក់ស្ដែង ស្ថិតក្រោមការប្រកួត យ៉ាងតាន់តឹង ស្វិតស្វាញ ពេញម៉ោង គឺក្រុមជម្រើជាតិបាល់ទាត់នារី វៀតណាម យកឈ្នះទៅលើ ក្រុមជម្រើសជាតិបាល់ទាត់នារី មីយ៉ាន់ម៉ា ក្នុងលទ្ធផល​ ២:០ ដែលធ្វើឲ្យ វៀតណាម ដណ្ដើមបានមេដាយមាស, មីយ៉ាន់ម៉ា មេដាយប្រាក់, និងថៃ​ មេដាយសំរឹទ្ធ។

លើសពីនេះ ប្រជាជនខ្មែរទាំងអស់ ក៏សូមចូលរួមសម្ដែងការត្រេអរ អបអរសាទរ​ ចំពោះក្រុមជម្រើសជាតិបាល់ទាត់នារី​ វៀតណាម ដែលខិតខំប្រឹងប្រែង ប្រើប្រាស់ជំនាញលេងយ៉ាងល្អ ដើម្បីយកឈ្នះ ដណ្ដើមបានមេដាយមាស យកទៅជូនប្រទេសជាតិ ក្នុងព្រឹត្តិការណ៍ស៊ីហ្គេម២០២៣​ ដែលកម្ពុជា ជាម្ចាស់ផ្ទះ នេះផងដែរ៕

ប្រភពរូបភាព៖ Cambodia 2023

សូមទស្សនារូបភាពខាងក្រោម៖