ហែលឆ្លងទុក្ខលំបាកអស់ហើយ ម៉ាដូណា និងគូស្នេហ៍ ចាប់ដៃគ្នាសាងក្ដីសុខ ជាមួយផ្ទះថ្មី និងអាជីវកម្ម

កម្សាន្ដ៖ ជឿជាក់ថា មហាជន​ និងបងប្អូនដែលនិយមប្រើប្រាស់បណ្ដាញសង្គម ពិតប្រាកដជាបានស្គាល់​ រួចមកហើយ អំពីលោក ម៉ាដូណា ដោយគ្រប់គ្នាស្គាល់ ថាជាតារាកំប្លែងដ៏មានប្រជាប្រិយ និងទទួលបានការស្រលាញ់ គាំទ្រយ៉ាងច្រើន ពីសំណាក់មហាជន នៅក្នុងប្រទេសកម្ពុជា ហើយជាតារាម្នាក់ ដែលពោរពេញទៅដោយ ទេពកោសល្យ សមត្ថភាព ជាមួយសម្ដីចាក់ទឹកមិនលិច ក្នុងការសម្ដែង ឲ្យទស្សនិកជន ទស្សនាបានសើចលេងសប្បាយ រីករាយ រហូតបាត់អស់ទុកកង្វល់ផ្សេងៗ។

យ៉ាងណាមិញ ច្បាស់ជាមាន ប្រិយមិត្តជាច្រើន បានដឹងរួចមកហើយ ថាតារាកំប្លែងរូបនេះ បានជួបព្យុះភ្លៀងយ៉ាងខ្លាំង ដោយជាប់ជំពាក់ជាមួយបំណុលជាង ៦០ម៉ឺនដុល្លារ តែដោយមិនចុះចាញ់នឹងព្រហ្មលិខិត ម៉ាដូណា និងគូស្នេហ៍ បានចាប់ដៃគ្នា ប្រកបការងារ ជាមួយអាជីពរបស់គេរាងៗខ្លួន រហូតដល់សងគេអស់ ដោះខ្លួនពីបំណល់រួចផងដែរ។

ទន្ទឹមគ្នានេះដែរ កាលពីថ្ងៃទី៣០ ខែមិថុនា ឆ្នាំ២០២៣ ម្សិលមិញនេះ តារាបានបង្ហោះរូបភាពរបស់ខ្លួន និងគូស្នេហ៍ អង្គុយផ្ទឹម ចងដៃឡើងគេហដ្ឋានថ្មី មិនត្រឹមតែប៉ុណ្ណោះ អមជាមួយសំណេរ​ យ៉ាងដូច្នេះថា៖ «ជាថ្ងៃមួយដែលពួកខ្ញុំទាំង២ធ្វើបាន បំណុលដែលចេញសងគេជាង៦០ម៉ឺនដុល្លារលំបាកខ្លាំង ប៉ុន្តែពេលនេះពួកយើងក៏អាចធ្វើបាន វាល្មមដល់ពេលដែលពួកខ្ញុំសាងសេចក្ដីសុខជាមួយផ្ទះថ្មី និងអាជីវកម្មមួយបាន អរគុណចំពោះការមើលងាយ នៅពេលដែលពួកខ្ញុំធ្លាក់ដល់ចំនុចទាប រយះពេលជិត២ឆ្នាំមកនេះ តែពេលនេះជាពេលដែលរីករាយបំផុត សម្រាប់ការតស៊ូររបស់ពួកខ្ញុំ សូមអរគុណចំពោះអ្នកគាំទ្រទាំងអស់ ដែលតែងតែផ្ដល់កម្លាំងចិត្ដដល់ពួកខ្ញុំទាំង២នាក់ សូមផ្ញើភាពរីករាយមួយនេះ ទៅដល់អ្នកគាំទ្រខ្ញុំទាំងអស់»៕

សូមទស្សនារូបភាពខាងក្រោម៖