កូរ៉េខាងត្បូង៖ អតីតសមាជិកក្រុម EXO ដ៏ល្បីល្បាញគឺលោក Huang Zitao ត្រូវបានគេរាយការណ៍ថា បានសារភាពស្នេហ៍ទៅកាន់កញ្ញា Xu Yiyang នៅក្នុងក្លិបកម្សាន្តមួយកន្លែង នៅក្នុងប្រទេសកូរ៉េខាងត្បូង កាលពីពេលថ្មីៗកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Tao និង Yiyang គឺជាសិល្បកររួមដំបូលនៅផលិតកម្ម L.Tao Entertainment របស់ Tao ផ្ទាល់ ដោយអ្នកទាំងពីរធ្លាប់មានពាក្យចចាមអារ៉ាមជាហូរហែថាបានទាក់ទងគ្នាតាំងពីឆ្នាំ២០២១ មកម៉្លេះ ដោយមានរូបភាពភ័ស្តុតាងជាច្រើន ហើយ Yiyang ក៏ធ្លាប់បានជួបជាមួយឪពុកម្ដាយរបស់ Tao ទៀតផង។
យ៉ាងណាមិញ យោងតាមសារព័ត៌មាន China Express បានចុះផ្សាយថា Tao និង Yiyang បានទៅចួលរួមកម្សាន្តនៅក្លិបឯតំបន់ Gangnam ប្រទេសកូរ៉េខាងត្បូង ដោយរូបគេបានសារភាពស្នេហ៍ជាសាធារណៈទៅកាន់នាង តាមរយៈបដាមួយ។
សាក្សីម្នាក់បានទម្លាយថា៖
នៅឯក្លិបកម្សាន្តលំដាប់លេខ១នៅ Gangnam ដែលកូរ៉េហៅថា "Race" នោះគឺ Huang Zitao បានចេញមកជប់លៀងនៅ "Race" ជាមួយមិត្តស្រីហើយ Huang Zitao ក៏បានសារភាពក្ដីស្រលាញ់របស់គេទៅកាន់ Yiyang ផងដែរ។ តើនោះជាការសារភាពជាផ្លូវការមែនដែរទេ?
គួរបញ្ជាក់ផងដែរថា Xu Yiyang ជាអតីតអ្នកហាត់ការនៅផលិតកម្ម SM Entertainment ដូចគ្នានឹង Tao ដែលជាអតីតសមាជិក EXO ក្រោមស្លាបរបស់ SM ៕
ប្រភព៖ allkpop
Bong I.T