ចេះមួយចប់ សង្សារវណ្ណដា ឡើងច្រៀងដូចតារាចម្រៀងអាជីព (មានវីដេអូ)

កម្សាន្ត៖ ប្រិយមិត្តភាគច្រើនច្បាស់ជាដឹងរួចមកហើយថា គូស្នេហ៍របស់កំពូលតារារ៉េប វណ្ណដា មានសម្រស់ស្រស់ស្អាត វ័យក្មេង ដែលឈ្មោះក៏ពិរោះគឺ Lauryn ដែលនាងកំពុងតែត្រូវបានមហាជនចាប់អារម្មណ៍ជាខ្លាំង។ នៅក្នុងនោះ រូបនាង មិនត្រឹមតែមានសម្រស់ស្អាតនោះទេ ថែមទាំងពូកែធ្វើម្ហូបទៀតផង។

ជាពិសេស ថ្មីៗនេះ Lauryn ក៏ត្រូវបានគេចាប់អារម្មណ៍ម្ដងទៀត ជាមួយនឹងវីដេអូមួយដែល នាងបានឡើងច្រៀង បញ្ចេញសំនៀងនៅលើឆាក ដូចតារា។​ ជាមួយគ្នានេះ មានគណនី TikTok មួយបានបង្ហោះវីដេអូ ដែលគូស្នេហ៍តារារ៉េប វណ្ណដា ឡើងច្រៀងលើឆាកកម្មវិធីមួយ ដែលដូចជាកម្មវិធីមង្គលការ។

ក្រោយពីបានឃើញវីដេអូនេះហើយ មហាជនក៏ដូចជាហ្វេនៗរបស់តារារ៉េប ម្ចាស់បទ អីតែមិនអី នាំគ្នាលាន់មាត់សរសើរទៅកាន់ Lauryn ជាខ្លាំង។​ លើសពីនោះ គេនាំគ្នានិយាយថា នារីរូបនេះ ពិតជាសមនឹងវណ្ណដា ណាស់ មិនចម្លែកទេ ដែលជាគូស្នេហ៍នឹងគ្នា៕

ប្រភព៖ Moonnaaily