មិនខ្វល់ពីអ្នករិះគ»-ន់ HyunA ចេញមកផ្អែមជាមួយស្វាមី ដល់ជប៉ុន

ជប៉ុន៖ ដូចដែលប្រិយមិត្តបានជ្រាបហើយថា តារាចម្រៀងរ៉េបស្រី HyunA ទើបតែបានរៀបអាពាហ៍ពិពាហ៍ជាមួយមិត្តប្រុស Yong Jun Hyung កាលពីខែតុលាកន្លងទៅនេះ បើទោះបីជាមានពាក្យរិះគន់ក្រែលជិះមកលើពួកគេទាំងពីរក៏ដោយ។

ថ្មីៗនេះ ក្រោយរៀបការរួចបានមួយខែ HyunA បានបណ្ដើរស្វាមី ទៅកម្សាន្តនៅឯប្រទេសជប៉ុន ដោយនាងបានបង្ហោះរូបថតផ្អែមល្ហែមរបស់ពួកគេជាច្រើនសន្លឹកទៀតផង ដោយគេបានឃើញអ្នកទាំងពីរបានដើរទិញអីវ៉ាន់ជាមួយគ្នា និងបានទៅទទួលទានអាហារពេលល្ងាចយ៉ាងផ្អែមល្ហែមទៀតផង។

គួរបញ្ជាក់ផងដែរថា HyunA បានទាក់ទង Yong Jun Hyung កាលពីដើមឆ្នាំ២០២៤ ខណៈដែលបុរសម្នាក់នេះមានរឿងអាស្រូវជាប់ពាក់ព័ន្ធនឹងរឿងក្ដីក្លឹបកម្សាន្ត Burning Sun ដែលល្បីរឿងដាក់ថ្នាំមនុស្សស្រីដើម្បីយកទៅបៀតបៀនផ្លូវភេទ ដូច្នេះហើយទើបតាំងពីប្រកាសទាក់ទងគ្នាមក HyunA ត្រូវគេរិះគន់យ៉ាងចាស់ដៃ តែនាងហាក់មិនខ្វល់នោះឡើយ ដោយបានរៀបការជាមួយ Jun Hyung ទៀតផង៕  

ប្រភព៖ allkpop