គិតថាសមគ្នាទេ? Kath ត្រូវហ្វេនៗចង់ឲ្យតួឯកប្រុសសង្ហារូបនេះ មកស្អំបេះដូង

កម្សាន្ត៖ ប្រិយមិត្តច្បាស់ជាដឹងរួចមកហើយថា តារាសម្ដែងជនជាតិហ្វីលីពីន ដ៏ល្បីល្បាញ Kathryn ទើបតែប្រកាសជាសាធារណៈអំពីការសម្រេចចិត្តចែកផ្លូវគ្នាជាមួយតារាប្រុស Daniel ក្រោយពីទាក់ទងគ្នាដោយបើកចំហអស់រយៈពេល១១ឆ្នាំកន្លងមកនេះ។

ជាមួយគ្នានេះដែរ ពួកគេបានបង្ហោះសារទាំងសងខាងដោយបញ្ជាក់អំពីការស្រឡាញ់ និងការគោរពគ្នាទៅវិញទៅមក ដោយមិនមានទំនាស់អ្វីនោះទេ។ ដោយឡែក អ្នកគាំទ្រជាច្រើននាំគ្នាស្រងាកចិត្ត ឈឺចាប់ ជំនួសជាខ្លាំង ដែលស្នេហាច្រើនឆ្នាំត្រូវបញ្ចប់ត្រឹមពាក្យថា គោរព។

ទោះបីជាយ៉ាងណាក៏ដោយ ហ្វេនៗក៏បានបង្វែរចំណាប់អារម្មណ៍ទៅលើតារាសម្ដែងប្រុសសង្ហា Alden Richards ដែលជាដៃគូសម្ដែងរឿងជាមួយ Kathryn កាលពីពេលកន្លងមក ដោយអ្នកគាំទ្រគិតថា ពួកគេសមគ្នា ពួកគេសង្ឃឹមថា Alden អាចស្អំបេះដូងរបស់តួ​ឯកស្រីយើងបាន។

គួរបញ្ជាក់ផងដែរថា Alden និង Kathryn ធ្លាប់សម្ដែងរឿងជាមួយគ្នាម្ដង ចំណងជើង Hello Love Goodbye ដែលទទួលបានការគាំទ្រយ៉ាងខ្លាំងក្លាពីសំណាក់អ្នកទស្សនា ហើយបច្ចុប្បន្នពួកគេទាំងពីរក៏មានការងាររួមគ្នាជាបន្ដបន្ទាប់ផងដែរ៕