អង់គ្លេស៖ អតីតខ្សែបម្រើក្លិប Manchester United លោក Paul Scholes បានធ្វើការរិះគន់ធ្ងន់ៗមកកាន់ Antony និង Alejandro Garnacho ថា ពួកគេជាកីឡាករស្លាបដ៏អត្មានិយម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីយប់មិញនេះ គឺ Man UTD បានធ្លាក់ចេញពីការប្រកួតប្រជែងក្នុងពានរង្វាន់ Champions League ហើយ ក្រោយចាញ់ Bayern Munich ក្នុងលទ្ធផល ១ទល់នឹង០ ឈរលេខ៤ ឆ្លងកាត់ ៦ប្រកួត មានត្រឹម៤ពិន្ទុប៉ុណ្ណោះ នៃពូល A ខណៈក្នុងការប្រកួតខាងលើនេះដែរ គឺ Antony និង Garnacho សុទ្ធតែបានបង្ហាញខ្លួនជាជម្រើសដំបូង។
ជុំវិញបរាជ័យនេះ លោក Scholes បានរិះគន់ខ្លាំងៗមកកាន់ Antony និង Garnacho យ៉ាងដូច្នេះថា៖
ក្តីបារម្ភសម្រាប់ខ្ញុំ គឺ ខ្សែប្រយុទ្ធកណ្តាល។ Man UTD មិនអាចបង្កើតឱកាសឲ្យ Rasmus Hojlund ឡើយ។ ខ្ញុំដឹងថាគាត់រកបាន ៥គ្រាប់នៅ UCL ប៉ុន្តែ គាត់មិនទាន់អាចរកគ្រាប់បាល់នៅលីគបាននៅឡើយទេ។ វាជាបញ្ហាចម្បង ហើយ អ្នករំពឹងលើភាពច្នៃប្រឌិតរបស់កីឡាករតំបន់ស្លាបនៅក្នុងក្រុម តែជាក់ស្តែង Antony និង Garnacho មានភាពអត្មានិយម។ អ្នកទាំងពីរជាប្រភេទកីឡាករដែលគិតតែចង់រកគ្រាប់បាល់ខ្លួនឯង និង លេងដើម្បីមុខមាត់ខ្លួនឯង៕
ប្រភព៖ metro
Bong I.T