កម្សាន្ត៖ ថ្មីៗនេះ រូបថតអាពាហ៍ពិពាហ៍ជាបន្តបន្ទាប់របស់ តារាសម្ដែងហុងកុង លោក Kenneth Ma និង ភរិយា តារាសម្ដែងស្រី Roxanne Tong ដែលបានថតនៅទីក្រុងប៉ារីស កំពុងតែទទួលបានចំណាប់អារម្មណ៍យ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងនោះដែរ រូបភាពដ៏ផ្អែមល្ហែមទាំងនេះ ត្រូវបានតារាសម្ដែងស្រី Roxanne Tong បង្ហោះលើទំព័រផ្ទាល់ខ្លួនរបស់នាង ដោយនៅក្នុងនោះ តារាស្រីរូបនេះ បានលើកឡើងថា នាងចង់រក្សាអាថ៌កំបាំងបន្តិច ដូច្នេះហើយនាងលាក់រូបថតទាំងនេះ រហូតមកដល់បច្ចុប្បន្ន ខណៈដែលឈុតរូបថតនេះ បានថតនៅប្រទេសបារាំង កាលពីប៉ុន្មានខែមុន មុនអ្នកទាំងពីររៀបការ។
មិនត្រឹមតែប៉ុណ្ណោះ តារាស្រីរូបនេះ ក៏បានថ្លែងអំណរគុណដល់ក្រុមការងារ ដែលបានជួយឱ្យនាងមានការថតរូបគួរជាទីពេញចិត្ត ហើយការថតរូបបានប្រព្រឹត្តទៅដោយរលូន ជាមួយនឹងភាពផ្អែមល្ហែម បញ្ចេញកាយវិការរ៉ូមែនទិកដល់គ្នាទៅវិញទៅមក ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T