វីដេអូខ្លីថតជិតបែបនេះ ទើបដឹងថា J-Hope មានសម្រស់យ៉ាងណាក្នុងជីវិតពិត(មានវីដេអូ)

កម្សាន្ត៖ កាលពីពេលថ្មីៗនេះ អ្នកគាំទ្របានចែករំលែកវីដេអូខ្លីមួយរបស់ J-hope ដែលជាសមាជិកផ្នែករ៉េបរបស់ក្រុម BTS ដែលបានធ្វើឲ្យផ្ទុះការចាប់អារម្មណ៍ជាខ្លាំង។ នៅក្នុងនោះផងដែរ ហ្វេនបានបង្ហោះវីដេអូដែលមានរយៈពេល១៤វិនាទីតែប៉ុណ្ណោះដែលផ្ដោតលើតារារ៉េបរូបនេះតែម្នាក់។

ជាមួយគ្នានេះ គេបានថត J-hope នៅពេលលោកកំពុងតែតុបតែងមុខ និង ធ្វើសក់ ដើម្បីត្រៀមថតឬធ្វើអ្វីមួយ។ ហើយអ្វីដែលធ្វើឲ្យអ្នកលេងបណ្ដាញសង្គមមានការភ្លឹកនោះគឺ សម្រស់របស់តារាប្រុសរូបនេះ អង្គុយស្ងៀមឲ្យគេធ្វើសក់អញ្ចឹងទៅ ស្រស់សង្ហាដូចជាម៉ាឡាកាំង។

មិនតែប៉ុណ្ណោះ មើលជិតបែបនេះ កាន់តែឃើញពីសម្រស់របស់ ​J-hope ដែលលោកមានមុខមាត់សង្ហា ច្រមុះស្រួច មាត់ស្អាត រីឯសាច់មុខវិញ សម៉ត់រលោង។ បន្ទាប់ពីឃើញវីដេអូខ្លីនេះហើយ ហ្វេនៗកាន់តែនាំគ្នាបើកភ្នែកធំៗមើលឃើញពីភាពទាក់ទាញរបស់លោក ដោយសារតែ J-hope ធ្លាប់ត្រូវបានគេនិយាយថា មានសម្រស់មិនសូវសង្ហា៕

ប្រភព៖ Troll SUGA