មិនចង់ជឿថា Karina មេក្រុម aespa ស្រស់ស្អាតដូចទេពអប្សរ ពេលចូលរួមកម្មវិធីហ្វេសិន

អ៊ីតាលី៖ Karina ជាមេក្រុមរបស់ aespa ត្រូវបានគេស្គាល់ថាជាតារាចម្រៀងស្រីជំនាន់ទី៤ ដ៏មានសមត្ថភាព មិនថាច្រៀង រាំ ឬរ៉េប ហើយក្រៅពីនោះនាងក៏មានសម្រស់ស្រស់ស្អាតខ្លាំង និងជាតារាស្រី KPOP ជំនាន់ទី៤ ដែលមានអ្នកចុច Follow ក្នុង Instagram ដល់ទៅ10M បានលឿនជាងគេទៀតផង។

យ៉ាងណាមិញ ថ្មីៗនេះ Karina បានចេញមកអង្រួនបេះដូងអ្នកគាំទ្រម្ដងទៀត បន្ទាប់ពីបានចូលរួមកម្មវិធី Prada's FW24 Menswear នៅទីក្រុងមីឡាន ប្រទេសអ៊ីតាលី។

ដោយក្នុងនោះ នាងបានស្លៀករ៉ូបពណ៌ស ដៃវាល មើលទៅស្រស់ស្អាតខ្លាំង ដូចជាទេពអប្សរ ស៊ីនឹងទម្រង់មុខដ៏ស្រស់ស្អាត ព្រមទាំងម៉ូតសក់ពណ៌ខ្មៅគាបត្រង់របស់នាង ដែលអ្នកគាំទ្របានសរសើរគ្រប់ៗគ្នា និងសឹងតែមិនជឿថានាងស្អាតដល់ម្លឹង៕  

ប្រភព៖ allkpop