អាមេរិក៖ ដូចដែលប្រិយមិត្តបានជ្រាបហើយថា លោក Leonardo Dicaprio ដែលយើងស្គាល់ក្នុងនាមជាតួអង្គ "ជេក" ក្នុងរឿងកប៉ាល់ទីតានិក (Titanic) ដ៏ល្បីល្បាញនោះបានឈានចូលវ័យ៤៩ឆ្នាំហើយ តែបើនិយាយពីជីវិតស្នរហារបស់លោកវិញ គឺនៅតែបន្តផ្អែមល្ហែមជាមួយមិត្តស្រីវ័យក្មេង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកកំពុងទាក់ទងកញ្ញាតារាបង្ហាញម៉ូត Vittoria Ceretti ដែលមានវ័យត្រឹម ២៦ឆ្នាំ និងជារឿយៗតែងតែចេញមកបណ្ដើរគ្នាយ៉ាងផ្អែមល្ហែម ហើយថ្មីៗនេះ អ្នកទាំងពីរត្រូវគេប្រទះឃើញថាបានកាន់ដៃគ្នានៅទីក្រុងញ៉ូវយ៉ក។
តាមរយៈរូបភាពដែលបានថតដោយអ្នកកាសែត គេឃើញថា Leonardo បានស្លៀកពាក់ធម្មតាណាស់គឺអាវយឺតពណ៌រាងប្រផេះស្រាលនិងខោពណ៌គគី ចងដោយអាវរងាត្រង់ចង្កេះនិងម៉ាសពណ៌ទឹកប៊ិច រួមជាមួយមួក ហើយ Vittoria ស្លៀកខោខ្មៅអាវ Crop Top ពាក់កណ្ដាលខ្លួនពណ៌ស ពាក់ពីលើដោយអាវដៃវែងពណ៌ខ្មៅ មានវ៉ែនតាការពារកម្ដៅថ្ងៃពណ៌ខ្មៅ។
អ្នកទាំងពីរបានជជែកគ្នានិងកាន់ដៃគ្នាជាប់មិនរបេះ មើលទៅសាមញ្ញតែបង្កប់ភាពផ្អែមល្ហែម ដែលធ្វើឲ្យអ្នកគាំទ្រសរសើរថាចំណងស្នេហ៍ប្រុសចាស់-ស្រីក្មេង មួយគូនេះនៅតែរលូន៕
ប្រភព៖ pagesix