តាំងពីមានស្នេហ៍ថ្មីមក Brat Pitt ចេញមកបណ្ដើរគ្នាឡើងផ្អែមល្ហែម

បរទេស៖ ថ្មីៗនេះ កាន់តែចាប់អារម្មណ៍ទៅលើទំនាក់ទំនងស្នេហា របស់ តារាសម្តែង លោក Brad Pitt និងគូស្នេហ៍វ័យក្មេងរបស់ខ្លួន Ines de Ramon ពេលដែលបានបង្ហាញខ្លួន ណាត់ជួបគ្នា នៅឯការតាំងពិព័រណ៌សិល្បៈនៅទីក្រុង Beverly Hills រដ្ឋ Los Angeles ។

ក្នុងនោះដែរ លោក Brad Pitt បាននាំមិត្តស្រីរបស់ខ្លួន ទៅគាំទ្រការតាំងពិព័រណ៍របស់មិត្តភក្តិ ខណៈដែលតារាសម្តែងរូបនេះ បានចេញមកស្លៀកសំលៀកបំពាក់ជាមួយនឹងអាវស្បែកនិងខោខូវប៊យពណ៌ខៀវ។ ចំណែកឯ គូស្នេហ៍ ដែលជាអ្នករចនាគ្រឿងអលង្ការ Ines de Ramon ក៏បានតុបតែងខ្លួន ស្លៀកខោស្បែកតឹង និងអាវកាក់ពណ៌ត្នោត។ ហើយគូស្នេហ៍អ្នកទាំងពីរ ក៏ត្រូវបានគេថតរូប ពេលចេញពីបន្ទប់តាំងបង្ហាញ Gagosian ដោយដើរកាត់ចំណតរថយន្ត ។

មិនត្រឹមតែប៉ុណ្ណោះ យោងតាមប្រភព ​​Showbiz411 ក៏បានបង្ហាញទៀតថា លោក Brad Pitt បានកាន់ដៃមិត្តស្រីរបស់ខ្លួន ពេលទៅមើលស្នាដៃក្នុងវិចិត្រសាល។ ខណៈដែល អ្នកទាំងពីរបានទាក់ទាញការចាប់អារម្មណ៍ពីភ្ញៀវជាច្រើន ដោយសារតែរូបរាងសង្ហា និងការលេងស្ទាយ៍ដ៏ទាក់ទាញ៕

ប្រភព៖ Ngoisao.net

សូមទស្សនារូបភាពខាងក្រោម៖