នៅតែអ៊េម! ចាន់ វឌ្ឍនាកា ល្ងាចមិញប្តូរចូលភ្លាម ស៊ុតមួយជើងឆ្វេងស្អាតណាស់ ជួយឱ្យបឹងកេត លត់ ISI ៤-១(មានវីដេអូ)

បរទេស៖ នាល្ងាចថ្ងៃទី ១៤ ខែ មករា ឆ្នាំ ២០២៤ ម្សិលមិញ ក្រុមបឹងកេតអេហ្វស៊ី បានបើកទ្វាកីឡដ្ឋានពហុកីដ្ឋានជាតិរបស់ខ្លួនទទួលស្វាគមន៍ក្រុមភ្ញៀវ ISI ដង្កោសែនជ័យ នៅក្នុងការប្រកួតសប្តាហ៍ទី ១៧ នៃក្របខណ្ឌ Cambodian Premier League។

ជាការពិតណាស់ នៅក្នុងការប្រកួតរវាងក្រុមទាំង ២ កាលពីម្សិលមិញ ខាងក្រុមម្ចាស់ផ្ទះបឹងកេតពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម ISI ក្នុងលទ្ធផលយ៉ាងចាស់ដៃ ៤ ទល់នឹង ១។

ក្នុងនោះ ៤ គ្រាប់របស់បឹងកេតគឺរកបានដោយកីឡាករ ៤ រូបផ្សេងគ្នា ក្នុងនោះរួមមានខ្សែបម្រើជប៉ុន Takahashi Mahiro, វ៉ាន់ តៃឡាមី, ចន្ថា ចន្ធាកា និង ចាន់ វឌ្ឍនាកា ចំណែក ១ គ្រាប់របស់ ISI វិញ គឺរកបានដោយកីឡាករ អ៊ុន សុទ្ធរិទ្ធ។ 

គួរបញ្ជាក់ថា បឹងកេត ឥឡូវនេះកំពុងឈរនៅលេខរៀងទី ៤ នៃលីគកំពូលកម្ពុជា មាន ២៤ ពិន្ទុ ចំណែក ISI វិញ គឺកំពុងឈរនៅលេខរៀងទី ៥ មាន ២៤ ពិន្ទុដូចគ្នា។

សូមទស្សនាវីដេអូខាងក្រោម៖