ផលិតកម្ម YG ប្រកាសថា Ahyeon ត្រឡប់ចូលក្រុម BABYMONSTER វិញហើយ ក្រោយសុខភាពបានធូរស្បើយ

កូរ៉េខាងត្បូង៖ ជាការពិតណាស់ កាលពីពេលកន្លងទៅ អ្នកគាំទ្រតារា Kpop បានបង្ហាញការខកចិត្តជាខ្លាំង ដែល Ahyeon ដកខ្លួនចេញពីក្រុម Baby Monster មុនពេល Debut ដោយមូលហេតុបញ្ហាសុខភាព។ ទន្ទឹមនឹងនោះ អ្នកគាំទ្រទន្ទឹងរងចាំ Ahyeon ថា នាងនឹងបង្ហាញខ្លួននៅក្នុងក្រុមដ៏ដែល ចាកចេញឬយ៉ាងណា។

មិនយូរក្រោយពីក្រុមចម្រៀងស្រីមួយនេះ បង្ហាញខ្លួនបានប៉ុន្មាន ផលិតកម្ម YG បានប្រកាសដំណឹងល្អថា Ahyeon នឹងត្រឡប់មកចូលក្នុងក្រុមវិញ ក្រោយពីបញ្ហាសុខភាពរបស់នាងបានធូរស្បើយ។ តាមរយៈឆានែលយូធូបបានទម្លាយថា រូបនាងនឹងចេញមុខនៅក្នុងចម្រៀងថ្មីឆាប់ៗនេះ។

គួរបញ្ជាក់ផងដែរថា ក្រុម Baby Monster បានបង្ហាញខ្លួនជាមួយនឹងសមាជិកត្រឹមតែ៦នាក់ ដែលមិនមានវត្តមានរបស់ Ahyeon ដែលជាសមាជិកល្បីជាងគេក្នុងក្រុម ក៏ព្រោះតែបញ្ហាសុខភាពផ្ទាល់ខ្លួន។ បើទោះបីជាយ៉ាងណាក៏ដោយ ក្រុមនេះ ទទួលបានភាពជោគជ័យជាខ្លាំង តាមរយៈបទដំបូងរបស់ពួកគេគឺ Stuck In the middle និង បទ​ Butter up៕

ប្រភព៖ allkpop