Messi និង Suarez យប់មិញចាប់ដៃគ្នាស៊ុតម្នាក់មួយគ្រាប់អ៊េមហួស តែចុងក្រោយ I.Miami ភ្លាត់ចេញ់ Al-Hilal ៤-៣(មានវីដេអូ)

បរទេស៖ កាលពីយប់មិញនេះត្រូវនឹងថ្ងៃទី ២៩ ខែ មករា ឆ្នាំ ២០២៤ ក្រុម Al-Hilal បានបើកទ្វាកីឡដ្ឋាន Kingdom Arena របស់ខ្លួនទទួលស្វាគមន៍ក្រុមភ្ញៀវ Inter Miami នៅក្នុងការប្រកួតលក្ខណៈមិត្តភាព។

ជាការពិតណាស់ នៅក្នុងជំនួបក្រុមទាំង ២ យប់មិញពិតជាតានតឹងមែនទែន ប៉ុន្តែជារួមខាងក្រុមម្ចាស់ផ្ទះ Al-Hilal ហាក់ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Inter Miami ក្នុងលទ្ធផល ៤ ទល់នឹង ៣។

ក្នុងនោះ ៤ គ្រាប់របស់ Al-Hilal គឺរកបានដោយ Aleksandar Mitrovic នៅនាទីទី ១០, Abdullah Al-Hamdan នៅនាទីទី ១៣, Michael នៅនាទីទី ៤៤ និង Malcom នៅនាទីទី ៨៨។ ចំណែក ៣ គ្រាប់របស់ Inter Miami វិញ គឺរកបានដោយ Luis Suarez នៅនាទីទី ៣៤, Lionel Messi នៅនាទីទី ៥៤(P) និង David Ruiz នៅនាទីទី ៥៥។

គួរបញ្ជាក់ថា នៅថ្ងៃទី ២ ខែ កុម្ភៈខាងមុខ Inter Miami នឹងមានការប្រកួតមិត្តភាពមួយប្រកួតទៀត ដោយពួកគេត្រូវជួបគ្នាជាមួយក្រុម Al-Nassr របស់ Cristiano Ronaldo នៅកីឡដ្ឋាន Kingdom Arena ក្នុងប្រទេស អារ៉ាប៊ីសាអ៊ូឌីត ដដែល។

សូមទស្សនាវីដេអូខាងក្រោម៖