ថាបងប្រុសទៅសង្ហាហើយ តែមកមើលសម្រស់ប្អូនប្រុស Cha Eunwoo បានដឹងថាសង្ហាខ្លាំង

កម្សាន្ត៖ Cha Eunwoo ដែលត្រូវបានគេស្គាល់ថាជាតារាចម្រៀងសមាជិកក្រុម ASTRO និងជាតារាសម្ដែងដ៏ពូកែម្នាក់នោះ ចាត់ទុកជាបុរសដ៏មានទេពកោសល្យ ហើយបូកថែមនឹងភាពស្រស់សង្ហារបស់លោកទៀតនោះ គឺរឹតតែធ្វើឲ្យលោកក្លាយជាជាទីចាប់អារម្មណ៍ពីមហាជន។

យ៉ាងណាមិញ កាលពីថ្ងៃទី៣០ខែមករាឆ្នាំ២០២៤ កន្លងទៅ រូបភាពមួយសន្លឹករបស់ប្អូនប្រុសរបស់លោក បានល្បីរន្ទឺពេញអ៊ីនធើណេត ដោយមានការជជែកវែកញែកពិភាក្សា ពីសម្រស់របស់គេ ដោយពួកគេសរសើរថា ប្អូនប្រុសរបស់ Eunwoo គឺពិតជាស្រស់សង្ហា ដូចបងប្រុសអ៊ីចឹង ដែលមានន័យថា សម្រស់របស់ Eunwoo ពុំមែនកើតចេញពីការវះកាត់អ្វីទេ គឺជាសម្រស់ធម្មជាតិតែម្ដង។

Eunwoo ក៏ធ្លាប់បាននិយាយពីប្អូនប្រុសរបស់ខ្លួនដែរថា ប្អូនប្រុសគេពិតជាមានទេពកោសល្យខ្លាំងណាស់ និងមានមុខតូចជាងខ្លួន ហើយអំឡុងពេលនេះគេកំពុងរៀននៅប្រទេសចិន និងកំពុងរកការងារធ្វើក្រៅម៉ោង បន្ទាប់ពីចេញពីបម្រើទាហានផងដែរ៕  

ប្រភព៖ allkpop