ស្នេហាអភ័ព្វ! មើលវីដេអូ សាន់ឆាយ ចួបស្វាមីដំបូងហើយ ពិតជាស្រណោះខ្លាំងណាស់

កម្សាន្ត៖ ដំណឹងមរណភាពរបស់តារាសម្ដែងស្រី Barbie Hsu បានធ្វើឲ្យអ្នកគាំទ្រនិងសិល្បករសិល្បការិនីទូទាំងពិភពលោក ពិតជាមានការតក់ស្លុតនិងភ្ញាក់ផ្អើលខ្លាំងណាស់ ហើយមកទល់ពេលនេះទោះសពរបស់នាងបានបូជាសល់តែធាតុរួចហើយក្ដី ក៏អ្នកគាំទ្រនៅតែអាឡោះអាល័យនាង។

ថ្មីៗនេះ ទន្ទឹមនឹងការសោកស្ដាយក៏ដូចជាខូចចិត្តរបស់លោក Koo Jun Yup ឬហៅថា DJ Koo ដែលជាស្វាមីរបស់អ្នកស្រីនោះ វីដែអូឃ្លីបមួយត្រូវបានបង្ហោះនិងចែកចាយពេញបណ្ដាញសង្គម ដែលរម្លឹកពីអនុស្សាវរីយ៍កាលនាងនិង Dj Koo បានចួបគ្នាជាលើកដំបូង ខណៈដែលអ្នកទាំងពីរធ្លាប់បានទាក់ទងគ្នាម្ដងរួចមកហើយ។

ពួកគេចួបគ្នាជិត២០ឆ្នាំមុន ក្នុងកម្មវិធីជជែកកម្សាន្តរបស់តៃវ៉ាន់មួយមានឈ្មោះថា 100Entertainment ដោយក្នុងនោះ Dj Koo បានញញិមនិងសម្លឹងមើល Barbie Hsu ដោយខ្សែភ្នែកស្រទន់និងស្មោះត្រង់។ Barbie Hsu បានសរសើរ Dj Koo ថាគាត់ពិតជាឡូយខ្លាំងណាស់ ទើប Dj Koo តបមកវិញថា "អរគុណ" ។

ទោះពួកគេទើបតែបានរៀបការកាលពីឆ្នាំ២០២២ ក៏ដោយក៏ស្នេហារបស់ពួកគេនៅតែដក់ជាប់ក្នុងចិត្តអ្នកគាំទ្រ និងចូលរួមសម្ដែងការសោកស្ដាយដល់ការបាត់បង់ភរិយាជាទីស្រលាញ់ទៅកាន់លោក Dj Koo ផងដែរ៕

ប្រភព៖ allkpop