មិនមែនស្រួលពាក់ទេ ឈុតតំណាងជាតិ អធិរាជិនីហង្សាវតីស្រីកម្ពុជា ល្អហួស ត្រូវទ្រាំ មើលតែវីដេអូនេះដឹងហើយ

កម្សាន្ត៖ ជាការពិតណាស់ ប្រិយមិត្តច្បាស់ជាបានជ្រាបរួចមកហើយថា យុវតី ជូរី ល្អហួស គឺជាម្ចាស់ជ័យលាភីនៃកម្មវិធីប្រឡងបវរកញ្ញាយុវតីតំណាងប្រទេសកម្ពុជា កាលពីចុងឆ្នាំ២០២៣ ហើយរូបនាងក៏ត្រៀមខ្លួនដើម្បីបន្ដទៅប្រកួតប្រជែងនៅលើឆាកអន្តរជាតិផងដែរ។

ជាពិសេស ថ្មីៗនេះ បវរកញ្ញា ល្អហួស ក៏បានបង្ហាញនូវឈុតតំណាងជាតិ ដែលមានឈ្មោះថា អធិរាជិនីហង្សាវតីស្រីកម្ពុជា សម្រាប់គ្រងនូវក្នុងថ្ងៃប្រកួតបវរកញ្ញាយុវតីលំដាប់ថ្នាក់អន្តរជាតិតំណាងឲ្យប្រទេសកម្ពុជាយើង។ អ្វីដែលធ្វើឲ្យមហាជនមានការស្ញើចសរសើរទៅកាន់ ល្អហួស នោះគឺ ការលះបង់របស់នាង ដោយគ្រងឈុតនេះ​បង្ហាញនូវភាពស្រស់ស្អាតក៏ពិតមែន ប៉ុន្ដែឈុតនេះ មិនស្រួលក្នុងការពាក់នោះទេ។

នៅក្នុងនោះ បើយើងក្រឡេកទៅមើលវីដេអូគឺបង្ហាញឲ្យឃើញពីការប្រឹងប្រែងរបស់ ល្អហួស ដែលទោះបីជាឈុតធ្ងន់ប៉ុណ្ណា ឈឺជើង ឈឺខ្លួនប៉ុណ្ណាក៏នាងនូវស៊ូទ្រាំដល់ថតចប់។ ហើយក្រោយពីថតរូបចប់ បវរកញ្ញារូបនេះ ក៏បង្ហូរទឹកភ្នែកក៏ព្រោះតែឈឺសប់ខ្លួន ដែលនេះបង្ហាញពីទឹកចិត្តតស៊ូ ប្រឹងប្រែង ដើម្បីគ្រងឈុតដ៏ស្រស់ស្អាតមួយនេះ ឡើងប្រកួតលើឆាកអន្តរជាតិនាពេលឆាប់ៗខាងមុខនេះ។

សូមបងប្អូនចូលរួមគាំទ្រ ជូរី ល្អហួស ដែលជាបវរកញ្ញាយុវតី​តំណាងប្រទេសកម្ពុជា ទៅប្រកួតលើឆាកអន្តរជាតិ ដែលប្រារព្ធឡើងនៅប្រទេសថៃ ក្នុងពេលឆាប់ៗខាងមុខនេះ៕