Angelina Jolie ចេញមក ជាមួយ កូនៗ តែ ត្រូវគេចាប់អារម្មណ៍ លើរឿងនេះ

កម្សាន្ត៖ តារាសម្តែងស្រី Angelina Jolie និងកូនពីរនាក់ របស់នាង Knox និង Vivienne បានកាន់ថង់គ្រឿងទេសជាច្រើន នៅពេលពួកគេ ចាកចេញពីហាងលក់គ្រឿងទេសមួយ កាលពីថ្ងៃទី ១៤ ខែមករា ខណៈពេលដែលក្រុមគ្រួសារ កំពុងមើលថែសាច់ញាតិ និងមិត្តភក្តិជាច្រើន ដែលបានជម្លៀស ដោយសារតែភ្លើងឆេះព្រៃ។

Angelina និងកូនៗ បានទៅហាងលក់គ្រឿងទេស នៅជិតនោះដើម្បីទិញរបស់ចាំបាច់ជាច្រើន។ មនុស្សម្នាក់ៗ បានកាន់ថង់ជាច្រើននៅពេលពួកគេដើរទៅរថយន្ត ដោយ Knox កាន់ផ្លែឪឡឹក។ កូនប្រុសអាយុ ១៦ ឆ្នាំរបស់ Angelina រូបនេះ បានទាក់ទាញការចាប់អារម្មណ៍ ជាមួយនឹងកម្ពស់ខ្ពស់ ពេលនៅក្បែរប្អូនស្រីភ្លោះ Vivienne និងម្តាយ។

កាលពីមុន Knox ក៏ត្រូវបានគេឃើញ ដើរទិញឥវ៉ាន់ជាមួយម្តាយ និងបងស្រីជាច្រើនដង កាលពីសប្តាហ៍មុន។ Knox និងបងស្រីអាយុ ១៨ ឆ្នាំ Shiloh បានទៅផ្សារទំនើប ដើម្បីទិញទឹក និងសម្ភារៈសំខាន់ៗផ្សេងទៀត កាលពីចុងសប្តាហ៍។ បងប្អូនទាំងពីរនាក់ ពាក់ម៉ាស់ ដើម្បីរក្សាសុវត្ថិភាពចំពេលមានផ្សែង និងធូលី ក្នុងទីក្រុងដែលបណ្តាលមកពីភ្លើងឆេះព្រៃ៕

ប្រភព៖​ Ngoisao.net

សូមទស្សនារូបភាពខាងក្រោម៖