កម្ពុជា៖ អតីតអ្នកប្រដាល់កាណាដា វាយតំណាងឱ្យភូមាលោក Dave Leduc បានប្រកាសថា គាត់ចង់ចេញបទចម្រៀងរួមគ្នាមួយជាមួយនឹងតារ៉ាចម្រៀង និងតារារ៉េបរបស់កម្ពុជាលោក G-Devith បន្ទាប់ពីអ្នកទាំងពីរបានជួបគ្នាផ្ទាល់កាលពីពេលថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីថ្ងៃទី ១៩ ខែ ឧសភា កន្លងទៅ Dave Leduc និង G-Devith បានជួបគ្នាផ្ទាល់ បន្ទាប់ពីអ្នកទាំងពីរបានទៅចូលរួមទស្សនាការប្រកួតវគ្គផ្តាច់ព្រ័ត្រកីឡាអេឡិចត្រូនិច Mobile Legend MPL KH S6 រវាងក្រុម See You Soon និងក្រុម D-Roar Legend ខណៈនៅក្នុងការប្រកួតនោះក្រុម See You Soon បានក្លាយម្ចាស់ជើងឯក ក្រោយបានយកឈ្នះក្នុងលទ្ធផល ៤ ទល់នឹង ២។
យ៉ាងណាមិញ ក្រោយបានជួបជាមួយ G-Davith រួច កាលពីថ្ងៃទី ២១ ខែ ឧសភា Dave បានបង្ហោះសារនៅលើទំព័រ Facebook របស់ខ្លួនយ៉ាងដូច្នេះថា៖
ខ្ញុំបានប្រាប់ប្អូន G-Devith ថា គាត់ក៏អាចធ្វើជាអ្នកប្រដាល់គុនខ្មែរបានដែរ ព្រោះគាត់មានកម្ពស់ និងដៃវែងដូចខ្ញុំ រាងដូចគ្នា ប៉ុន្តែខ្ញុំសប្បាយចិត្តដែលគាត់បង្កើតបទចម្រៀងពីរោះកប់ៗ ព្រោះខ្ញុំពិតជាស្រឡាញ់បទចម្រៀងរបស់គាត់។ សប្បាយណាស់ដែលបានជួបគ្នានៅ MPL Cambodia ចុងសប្តាហ៍នេះ ហើយខ្ញុំបានប្រាប់គាត់ថា យើងគួរតែបង្កើតបទចម្រៀងជាមួយគ្នា។ សាកស្រមៃមើលថាតើបទនោះនឹងល្បីប៉ុនណាទៅ បើមីយ៉ាន់ម៉ា និងកម្ពុជាចែករំលែកបទនោះ!? វ៉ោវ មិត្តភាពរាប់ពាន់ឆ្នាំរវាងប្រជាជាតិទាំងពីរ។ បើផូសនេះទទួលបានការចូលចិត្តច្រើន យើងនឹងទម្លាក់បទដែលយើងធ្វើរួមគ្នា និងវីដេអូឃ្លីប៖ DAV x G-DEVITH សូមចែករំលែកបើចង់ឃើញខ្ញុំរ៉េប។
Bong I.T