ដឹងម៉េចម៉ាទេ! Thiago បង្ហោះសារអន់ចិត្តបែបនេះ ទាក់ទងនឹងគេមិនសូវខ្វាយខ្វល់ពីគាត់ដូច Dave Leduc និង ត្រៀមទៅសហរដ្ឋអាមេរិកហើយ

កម្ពុជា​៖ កីឡាករ Thiago Teixiera ដែលបងប្អូនស្គាល់ថាជា សែន ចន្ទរិទ្ធីគុន បានធ្វើការបង្ហោះសារយ៉ាងគួរឲ្យភ្ញាក់ផ្អើលកាលពីយប់មិញ ទាក់ទងនឹងការមិនសូវយកចិត្តទុកថ្នាក់ពីថ្នាក់ដឹកនាំ ដូចទៅនឹង Dave Leduc ដែលទើបតែមកប្រទេសកម្ពុជាក្រោយគាត់ទៀតផង។

ជាការពិតណាស់​ តាមរយៈសំណេររបស់ Thiago គាត់ក៏បានសង្កត់ធ្ងន់ៗថា តាំងពីមកដល់ប្រទេស កម្ពុជា គាត់ពុំសូវទទួលបានឱកាស និងការយកចិត្តទុកដាក់ពីថ្នាក់ដឹកនាំឡើយ ហើយគាត់បានបញ្ជាក់ថា បន្ទាប់ពីបញ្ចប់ការប្រកួតក្បាច់គុនចម្រុះជើងឯកអាស៊ីនៅខែ កក្កដា ខាងមុខ គាត់នឹងចាកចេញពីប្រទេសកម្ពុជា ដើម្បីហោះទៅ សហរដ្ឋអាមេរិកហើយ។

បន្ថែមពីនេះទៀត Thiago បានទម្លាយឲ្យដឹងថា មានឧកញ៉ាមួយចំនួនបានបិទផ្លូវរបស់គាត់មិនឲ្យមានការងារធ្វើនៅក្នុងប្រទេសកម្ពុជា ដែលជាហេតុរយៈពេល មួយឆ្នាំពេញ គាត់គ្មានអ្វីទាល់តែសោះ គាត់ពិតជាឈឺចាប់ ដូច្នេះគាត់មិនចាំបាច់ក្លាយជាជនជាតិខ្មែរក៏បានដែរ អាចដកសញ្ជាតិខ្មែររបស់គាត់វិញបាន។