អឺរ៉ុប៖ អតីតកីឡាករជម្រើសជាតិអង់គ្លេស លោក Frank Lampard ជឿជាក់ថា កីឡាករ Kylian Mbappe នឹងអាចជួយក្រុមជម្រើសជាតិបារាំងនៅត្រង់ប្រយុទ្ធបានច្រើនជាងនេះទៀតប្រសិនបើរូបគេកុំមានអាកប្បកិរិយាខ្ជិលនៅលើទីលាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងព្រឹត្តិការណ៍៍ EURO 2024 នេះ Mbappe បានរួមចំណែកជួយឲ្យក្រុមជម្រើសជាតិបារាំងឡើងទៅកាន់វគ្គ ១៦ក្រុមចុងក្រោយហើយ និង ស៊ុតបញ្ចូលទីបានមួយគ្រាប់ដោយបាល់ប៉េណាល់ទីក្នុងជំនួបចុងក្រោយក្នុងពូលទល់នឹងក្រុមជម្រើសជាតិប៉ូឡូញ ប៉ុន្តែ បើយើងនិយាយពីទម្រង់លេងរបស់ Mbappe វិញហាក់ធ្លាក់ចុះនៃគុណផលបន្តិច។
ទាក់ទងនឹងរឿងខាងលើ លោក Lampard បាននិយាយថា៖
ខ្ញុំបានអង្គុយនិយាយគ្នាលេងជាមួយលោក Alan Shearer ពី រឿងខ្សែប្រយុទ្ធ និង ផ្នត់គំនិតរបស់ពួកគេ។ មានឱកាសជាច្រើនដែលយើងឃើញថា Mbappe មិនស្ថិតនៅក្នុងតំបន់ដែលបាល់អាចនឹងទៅដល់ដើម្បីអនុញ្ញាតឲ្យគាត់ស៊ុតបញ្ចូលទីបាន។ ខ្ញុំយល់ ថា គាត់ពិតជាធ្វើចលនារត់ ប៉ុន្តែ នៅពេលដែលអ្នកដឹងពីចង្វាក់លេង អ្នកគួរតែត្រៀមខ្លួនដើម្បីធ្វើចលនាចុះឡើងនៅក្នុងតំបន់ប្រយុទ្ធនោះ៕
ប្រភព៖ sportskeeda
Bong I.T