អឺរ៉ុប៖ ប្រធានក្រុមជម្រើសជាតិស្លូវ៉ាគី កីឡាករ Milan Skriniar ជឿជាក់ថា ក្រុមរបស់ខ្លួនមានសមត្ថភាពគ្រប់គ្រាន់ដើម្បីបង្កើតរឿងភ្ញាក់ផ្អើលក្នុងការទម្លាក់ ក្រុមជម្រើសជាតិអង់គ្លេស ត្រឹមវគ្គ ១៦ក្រុមចុងក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅថ្ងៃអាទិត្យនេះ ស្លូវ៉ាគី នឹងត្រូវធ្វើការងារធ្ងន់បន្តិចក្នុងជំនួបទល់នឹងអង់គ្លេស នៃពានរង្វាន់ EURO 2024 វគ្គ១៦ក្រុមចុងក្រោយ ខណៈ បើយើងនិយាយពីក្រុមអង់គ្លេស កំពុងតែទទួលរងការរិះគន់ខ្លាំងមែនទែនពីសំណាក់អ្នកគាំទ្រជុំវិញលើទម្រង់លេង ជាក់ស្តែង ៣ប្រកួតក្នុងពូល ពួកគេទទួលបានជ័យជម្នះតែមួយលើកប៉ុណ្ណោះ និង ស្មើដល់ទៅពីរដង។
មុនប៉ះគ្នានៅវគ្គ ១៦ក្រុម Skriniar បាននិយាយថា៖
អ្នកកាសែត និង អ្នកគាំទ្រ បានធ្វើការរិះគន់ចំៗដល់ក្រុមអង់គ្លេស ក្រោយពេលបញ្ចប់ការប្រកួត ដូច្នេះពួកគេកំពុងតែទទួលរងសម្ពាធខ្លាំងជាងយើងទៀត ហើយ នេះជាអទិភាពរបស់យើង។ ម្យ៉ាងវិញទៀត អង់គ្លេសកំពុងតែមានការលេងមិនយល់ចិត្តគ្នានៅលើទីលាន ជាក់ស្តែង Harry Kane, Jude Bellingham, Phil Foden និង Declan Rice មិនទាន់អាចបង្ហាញគុណផលលេងដូចដែលពួកគេធ្វើបាននៅក្លិបអាជីពរបស់ពួកគេនៅឡើយទេ។ ទាំងនេះជាហេតុផលដែលខ្ញុំគិតថា យើងអាចគ្រប់គ្រងស្ថានការបានតាមរយៈការសហការគ្នា។ ខ្ញុំសង្ឃឹម និង ជឿជាក់ថាយើងអាចយកឈ្នះពួកគេបាន៕
ប្រភព៖ metro
Bong I.T