បរទេស៖ ខ្សែប្រយុទ្ធក្រុមជម្រើសជាតិអង់គ្លេស កីឡាករ Bukayo Saka បានលើកឡើងថា តារាឆ្នើមរបស់ក្រុមជម្រើសជាតិប្រេស៊ីល កីឡាករ Neymar ស័ក្តិសមនឹងទទួលបានការលើកតម្កើងឲ្យខ្លាំងជាងនេះបើមើលតាមសមត្ថភាពដែលរូបគេមាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![https://s9.kh1.co/__image/w=650,h=501,q=100/f2/f2a7ab4ce6ff37a9638e8f5957277165c8848308.png](https://s9.kh1.co/__image/w=650,h=501,q=100/f2/f2a7ab4ce6ff37a9638e8f5957277165c8848308.png)
ជាការពិតណាស់ កាលពីដើមឡើយ Neymar តែងតែត្រូវបានអ្នកគាំទ្រមើលឃើញថា នឹងក្លាយជាកីឡាករដ៏អស្ចារ្យជាងគេម្នាក់នៅលើលោក ដោយសារសមត្ថភាពដ៏បុិនប្រសប់របស់គេជាពិសេសការប្រើប្រាស់បច្ចេកទេសញាក់បាល់ ក្នុងនោះ គេបានចាកចេញពី Santos នៃលីគកំពូលប្រេស៊ីល មកចូលរួមជាមួយ Barcelona ពីឆ្នាំ ២០១៣-២០១៧ ជា ទីកន្លែងគេបានកសាងភាពល្បីល្បាញ រួចបន្តមកកាន់ Paris Saint Germain ពីឆ្នាំ ២០១៧-២០២៣ និង ចុងក្រោយនេះ គឺ Al-Hilal ខណៈ មួយរយៈចុងក្រោយនេះ គេហាក់បីជាស្ងប់ស្ងាត់បន្តិចក្រោយរងរបួសបញ្ហាដាច់សរសៃជង្គង់ ACL។
![https://s9.kh1.co/__image/w=650,h=364,q=100/47/478bc7f80ed534062c6944e19b56a6fb1ff1899e.png](https://s9.kh1.co/__image/w=650,h=364,q=100/47/478bc7f80ed534062c6944e19b56a6fb1ff1899e.png)
ទាក់ទងនឹងរឿងខាងលើ Saka បាននិយាយថា៖
ខ្ញុំគិតថា មនុស្សនិយាយពី Neymar មែន ប៉ុន្តែ គាត់គួរតែទទួលបានការលើកមកនិយាយច្រើនជាងនេះពីសំណាក់មជ្ឍដ្ឋានខាងក្រៅ ហើយ ខ្ញុំគិតថាគាត់សមនឹងទទួលបានការគោរពច្រើនជាងអ្វីដែលគាត់ទទួលបាន។ នេះជាអ្វីដែលខ្ញុំយល់ឃើញ៕
![https://s9.kh1.co/__image/w=650,h=366,q=100/0a/0ad45ce410e5e44df8631e9fe35d986883dc03b2.png](https://s9.kh1.co/__image/w=650,h=366,q=100/0a/0ad45ce410e5e44df8631e9fe35d986883dc03b2.png)
ប្រភព៖ sportskeeda