អង់គ្លេស៖ ខ្សែបម្រើក្រុមជម្រើសជាតិអង់គ្លេស កីឡាករ Jude Bellingham បានលើកឡើងថា គេមើលឃើញខ្លួនឯងប្រៀបបានដូចជា Cristiano Ronaldo អ៊ីចឹងក្រោយស៊ុតបញ្ចូលទីបកចេកចុងម៉ោងទល់នឹង ក្រុមជម្រើសជាតិស្លូវ៉ាគី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្នុងការប្រកួតកាលពីយប់ថ្ងៃអាទិត្យកន្លងទៅនេះ គឺ ពិតជាមិនសរសើរមិនបានទេ ពីការរួមចំណែករបស់ Bellingham ដែលបានស៊ុតបញ្ចូលទីគ្រាប់បាល់បកចេកក្នុងនាទីទី ៩០+៥ ដើម្បីផ្តល់ក្តីសង្ឃឹមឲ្យអង់គ្លេស បន្តការប្រកួតដល់វគ្គថែមម៉ោង ១៥នាទី ២ដង ខណៈ Harry Kane រកបានគ្រាប់បាល់ជ័យជម្នះជួយ អង់គ្លេស យកឈ្នះ ស្លូវ៉ាគី ២ទល់នឹង១ ឡើងទៅកាន់វគ្គ ៨ក្រុមចុងក្រោយ នៃពានរង្វាន់ EURO 2024។
ទាក់ទងនឹងគ្រាប់បាល់បកចេកនេះ Bellingham បាននិយាយថា៖
បាល់នោះបានធ្លាក់ចំទីតាំងដ៏ល្អបំផុត។ នៅពេលដែលខ្ញុំនៅលើអាកាស ខ្ញុំមានអារម្មណ៍ថា ព្រះអើយ ខ្ញុំប្រៀបបានដូចជា Ronaldo។ វាជាការចងចាំដ៏ល្អបំផុតក្នុងអាជីពរបស់ខ្ញុំ៕
ប្រភព៖ Sportskeeda
Bong I.T