បរទេស៖ ជារឿងដ៏គួរឱ្យសោកស្តាយសម្រាប់ក្រុមខ្លាំងបញ្ចខែល ព័រទុយហ្គាល់ ដែលពួកគេបានធ្លាក់ចេញពីពានរង្វាន់ Euro ២០២៤ ហើយត្រឹមវគ្គ ៨ ក្រុមចុងក្រោយ ក្រោយបរាជ័យក្រោមថ្វីជើងក្រុមជម្រើសជាតិ បារាំង នៅវគ្គបាល់កាត់សេចក្តី ១១ ម៉ែត្រក្នុងលទ្ធផល ៥ ទល់នឹង ៣ កាលពីយប់មិញនេះថ្ងៃទី ៥ ខែ កក្កដា ឆ្នាំ ២០២៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅក្នុងជំនួបនៃក្រុមខ្លាំងទាំងពីរគឺពិតជាស្វិតស្វាញមែនទែន ដោយបញ្ចប់ការប្រកួត ៩០ នាទីពេញ បូកជាមួយម៉ោងបន្ថែម ១៥ នាទីពីរដង ក្រុមទាំងពីរគឺពុំមានគ្រាប់បាល់ស៊ុតបញ្ចូលទីគ្នានោះទេ ប៉ុន្តែចុងក្រោយក្រុមមាន់គក បារាំង បានយកឈ្នះ ព័រទុយហ្គាល់ នៅវគ្គបាល់កាត់សេចក្តី ១១ ម៉ែត្រក្នុងលទ្ធផល ៥-៣។
យ៉ាងណាក៏ដោយ សម្រាប់ការប្រកួតនេះ គឺបានបញ្ចប់ទៅហើយ ប៉ុន្តែអ្វីដែលធ្វើឱ្យអ្នកគាំទ្រសោកស្តាយបំផុតសម្រាប់អ្នកគាំទ្រ ព័រទុយហ្គាល់ គឺនៅនាទីទី ៩៣ ដែលពេលនោះ Cristiano Ronaldo ទទួលបានបាល់ចូលក្នុងប្រអប់យ៉ាងស្អាតពីខ្សែការពារ Francisco Conceicao តែចុងក្រោយគាត់បែជាស៊ុតបាល់នេះប៉ោងឡើងទៅខាងលើទៅវិញ។
ដើម្បីជ្រាបច្បាស់សូមទស្សនាវីដេអូខាងក្រោម៖