ដល់វគ្គសំខាន់ផង! កីឡាករឆ្នើមអង់គ្លេសរូបនេះ បានចាកចេញពីជំរុំរបស់ក្រុមហើយ ដោយសារភរិយាសម្រាលបុត្រ

អង់គ្លេស៖ ខ្សែប្រយុទ្ធក្រុមជម្រើសជាតិអង់គ្លេស​ កីឡាករ​ Phil Foden បានសុំការអនុញ្ញាតចាកចេញពីជំរុំរបស់ក្រុមតោកំណាចហើយ ដើម្បីត្រឡប់មកផ្ទះមើលថែភរិយាដែលកំពុងសម្រាលកូនទី ៣ របស់គេ។

ជាការពិតណាស់ ក្នុងចំណោមបីប្រកួតនៅក្នុងពូលរបស់អង់គ្លេស ក្នុងព្រឹត្តិការណ៍ EURO ២០២៤ នេះ គឺ Foden តែងតែបង្ហាញខ្លួនជាជម្រើសដំបូង ខណៈ ការសុំអនុញ្ញាតចាកចេញពីជំរុំរបស់ក្រុម មិនត្រូវបានសហព័ន្ធបាល់ទាត់អង់គ្លេសបញ្ជាក់ឲ្យច្បាស់នោះទេ ប៉ុន្តែ បើតាមប្រភពជិតស្និទ្ធជាមួយកីឡាករ បានទម្លាយឲ្យដឹងថា កីឡាកររបស់ Manchester City ខាងលើ ត្រូវត្រឡប់មកផ្ទះដើម្បីមើលថែភរិយាដែលនឹងសម្រាលកូន។

គួរបញ្ជាក់ផងដែរ អង់គ្លេសនឹងជួប ក្រុមជម្រើសជាតិស្លូវ៉ាគី ក្នុងវគ្គ១៦ក្រុមចុងក្រោយ នៅថ្ងៃទី ៣០ ខែមិថុនា ខាងមុខនេះ ខណៈ​ Foden ទំនងជានឹងមិនអាចទាន់ត្រឡប់មកជួយទាន់ពេលនោះទេ៕

ប្រភព៖ metro