ក្រោយទាក់ទងមិនបានប៉ុន្មាន Bella ចេញមកបណ្ដើរគូស្នេហ៍ ឡើងផ្អែមល្ហែម

ថៃ៖ អាចនិយាយបានថា តារាសម្ដែងស្រី Bella Ranee ពេលនេះ ត្រូវបានមហាជនជាច្រើន ចាប់អារម្មណ៍តាមដានចំពោះសកម្មភាព ក្រោយពីបានបើកបង្ហាញពីទំនាក់ទំនងស្នេហា ជាមួយនឹងបុរសសង្ហា Will Chawin ដែលត្រូវបានគេស្គាល់ថា ជាអ្នកស្នងមរតកពីក្រុមហ៊ុន CP Group ។ 

មិនត្រឹមតែប៉ុណ្ណោះ បន្ទាប់ពីបានទាក់ទងគ្នា ក៏មានការបង្ហាញចេញជាមួយនឹង រូបភាពមួយចំនួន ដែលពួកគេបានចេញទៅកម្សាន្តជាមួយគ្នាយ៉ាងរីការាយ។ 

ដោយឡែក ថ្មីៗនេះ ក៏មានរូបភាពរបស់ Bella និង Will Chawin ដែលកំពុងតែផ្អែមល្ហែម ជាមួយគ្នានៅកណ្តាលផ្សារ ហើយក៏មានរូបភាពរបស់ Will Chawin បានដើរកាន់របស់ឲ្យ Bella និងបានទៅលេងហាងបង្អែមផងដែរ។ តាមរយៈរូបភាពទាំងនេះ បានធ្វើឲ្យអ្នកគាំទ្រ កាន់តែរំភើប ដោយបានឃើញពីភាពល្អូកល្អឺនរបស់គូស្នេហ៍ថ្មីថ្មោងមួយនេះ៕

ប្រភព៖ Sanook

សូមទស្សនារូបភាពខាងក្រោម៖