នោះៗ! Al-Hilal បានដាក់សំណើមកកាន់ Barcelona ដើម្បីនាំយកកីឡាកររូបនេះមកកាន់ទឹកដីអារ៉ាប៊ីសាអូឌីត

បរទេស៖ ក្លិប Al-Hilal នៃលីគកំពូលអារ៉ាប៊ីសាអូឌីត ត្រូវបានគេរាយការណ៍ថា បានដាក់សំណើមកកាន់ Barcelona ក្នុងការចង់បាន ខ្សែប្រយុទ្ធ Vitor Roque មករួមក្រុមសម្រាប់រដូវកាលថ្មីខាងមុខនេះ។

ជាការពិតណាស់ Vitor Roque បានចូលរួមជាមួយ Barcelona កាលពីពាក់កណ្តាលរដូវកាលមុន ពី ក្លិប Athletico Paranense នៃលីគកំពូលប្រេស៊ីល ប៉ុន្តែ អ្វីដែលជាបញ្ហា គឺ រូបគេទទួលបាននាទីលេងនៅលើទីលានស្តួចស្តើងខ្លាំងមែនទែន ដែលជាហេតុធ្វើឲ្យអនាគតរបស់គេនៅឯកីឡដ្ឋាន Camp Nou មានការស្រពេចស្រពិលជាខ្លាំង។

ក្នុងនោះផងដែរ បើយោងតាមការចុះផ្សាយរបស់លោក Fabrizio Romano បានលើកឡើងថា Al-Hilal បានកំពុងតែដាក់សំណើមកកាន់ Barcelona ចំពោះការចង់បាន Roque ខណៈ សមីខ្លួន និង ភ្នាក់ងារកំពុងតែសម្រេចចិត្តថា នឹងធ្វើអ្វីបន្ត ខណៈ ក្រុមអ្នកបុណ្យបើកភ្លើងខៀវក្នុងការអនុញ្ញាតឲ្យរូបគេចាកចេញ៕

ប្រភព៖ Fabrizio Romano