ខំសម្របសម្រួលដែរតែទៅមិនរួច Jennifer Lopez គ្រោងនឹងដាក់ពាក្យលែងលះស្វាមី

អាមេរិក៖ យោងតាមប្រភពផ្ទៃក្នុងពីមិត្តភក្តិ បានទម្លាយមកថា តារាចម្រៀងផបស្រីល្បីល្បាញ Jennifer Lopez នឹងដាក់ពាក្យបណ្ដឹងលែងលះស្វាមី Ben Affleck នាពេលឆាប់ៗខាងមុខនេះ ក្រោយរៀបការបានតែពីរឆ្នាំ។

ដំណឹងនេះបានខ្ជរខ្ជាយឡើងក្រោយគេឃើញថា តារាចម្រៀងស្រីរូបនេះបានប្រារព្ធពិធីខួបកំណើតជាមួយតែមិត្តភក្តិដោយពុំមានវត្តមានស្វាមីនោះឡើយ ស្របពេលលោក Ben Affleck ក៏បានចេញទៅស្នាក់នៅខាងក្រៅដែរ។ លើសពីនេះទៅទៀតផ្ទះដែលពួកគេចាយលុយទិញរួមគ្នានោះក៏ត្រូវបានដាក់លក់បណ្ដើរៗហើយដែរក្នុងតម្លៃ ៦៨លានដុល្លារ។

ប្រភពបានបន្តទៀតថា ឯកសារទាំងអស់បានធ្វើឡើងរួចរាល់អស់ហើយ នៅតែដាក់ស្នើជាផ្លូវការ ដែលពួកគេសម្រេចចិត្តលែងលះគឺដោយសារតែ មិនអាចរកផ្លូវផ្សះផ្សាគ្នាបាន បើទោះបីជាពួកគេព្យាយាមនិយាយជាមួយគ្នាហើយក៏ដោយ។

អ្នកទាំងពីរត្រូវគេថតថាបានបណ្ដើរគ្នាកាលពីថ្ងៃទី៣០ខែមីនាកន្លងទៅ ដែកជារូបភាពចុងក្រោយមុនដំណឹងចចាមអារ៉ាមលែងលះបានផ្ទុះឡើង តែយ៉ាងណាមិញ ទាំង Jennifer Lopez និង Ben Affleck ពុំទាន់មានការប្រកាសផ្លូវការទាក់ទងនឹងការលែងលះនោះឡើយ៕  

ប្រភព៖ dailymail