អង់គ្លេស៖ អតីតវីរបុរសរបស់ Chelsea លោក John Obi Mikel បានទទូចឲ្យក្រុមតោខៀវ តាមចុះហត្ថលេខាយក ខ្សែប្រយុទ្ធស្លាបរបស់ Manchester United កីឡាករ Jadon Sancho ឲ្យបានមុនទីផ្សារដោះដូរកីឡាករបិទទ្វារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Sancho ដែលមិនមានឈ្មោះបង្ហាញខ្លួនទាល់តែសោះក្នុងការប្រកួតពីរលើកដំបូងនៅក្នុងលីគក្រោមការដឹកនាំរបស់លោក Erik ten Hag កំពុងតែមានទំនាក់ទំនងយ៉ាងភ្ញាក់ផ្អើលក្នុងការផ្លាស់មកកាន់កីឡដ្ឋាន Stamford Bridge ខណៈ សមីខ្លួនផ្ទាល់ក៏ត្រូវបានគេរាយការណ៍ថា មានបំណងចង់ចាកចេញពីក្លិបដូចគ្នា។
ទាក់ទងនឹងរឿងខាងលើ លោក Mikel បាននិយាយថា៖
ខ្ញុំពិតជារីករាយណាស់ ប្រសិនបើ Chelsea អាចនាំយក Sancho មករួមក្រុមបាន។ គាត់ជាកីឡាករដ៏អស្ចារ្យ។ ប្រសិនបើអ្នកចង់បានប្រភេទកីឡាករដូចជាគាត់មែន អ្នកនឹងទទួលបានភាពរីករាយដែលមានគាត់នៅក្នុងក្រុម៕
ប្រភព៖ sportskeeda
Bong I.T