អឺរ៉ុប៖ ក្លិប Manchester United ត្រូវបានគេរាយការណ៍ថា បានយល់ព្រមលក់ ខ្សែបម្រើសញ្ជាតិស្កុតឡេន កីឡាករ Scott McTominay ទៅកាន់ ក្លិប Napoli ហើយ នេះបើយោងតាមការបញ្ជាក់ពីសំណាក់អ្នកកាសែតអុីតាលីលោក Fabrizio Romano។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ទាក់ទងលម្អិតចំពោះការផ្ទេររបស់ McTominay គឺ ភាគីក្លិបទាំងពីរបានឯកភាពគ្នាក្នុងការចរចារតម្លៃខ្លួន ៣០លានអឺរ៉ូ (ឬប្រមាណជា ៣៣លានដុល្លារអាមេរិក) ខណៈ រូបគេនឹងត្រៀមខ្លួនហោះទៅកាន់ប្រទេសអុីតាលី ដើម្បីធ្វើការតេស្តសុខភាព និង ចុះកុងត្រាជាផ្លូវការ។
គួរបញ្ជាក់ផងដែរថា McTominay ដែលបច្ចុប្បន្នមានវ័យ ២៧ឆ្នាំ បានចូលហ្វឹកហាត់ដំបូងជាថ្នាលយុវជនរបស់ Man UTD ពីចន្លោះឆ្នាំ ២០០២-២០១៧ មុនតម្លើងមកកាន់ក្រុមឈុតធំនៅក្នុងឆ្នាំ ២០១៧ មានន័យថា តាំងពីចូលលេងបាល់ទាត់មក រូបគេមិនដែលប្រកបអាជីពឲ្យក្រុមណាផ្សេងក្រៅពីក្រុមបិសាចក្រហមឡើយ៕
ប្រភព៖ Fabrizio Romano