អស្ចារ្យមែន! ចូលលេងថ្ងៃដំបូង Olmo ទាញស៊ុតមុំកែងល្អដូចផ្កា ជួយឱ្យ Barca ឈ្នះ Rayo Vallecano ២-១(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ២៨ ខែ សីហា ឆ្នាំ ២០២៤ នេះ ក្រុម Rayo Vallecano បានបើកទ្វាកីឡដ្ឋាន Estadio de Vallecas របស់ខ្លួន ទទួលស្វាគមន៍ក្រុមភ្ញៀវ FC Barcelona នៅក្នុងការប្រកួតសប្តាហ៍ទី ៣ នៃក្របខណ្ឌ La Liga របស់ អេស្ប៉ាញ។

ជាការពិតណាស់ នៅក្នុងការប្រកួតរវាងក្រុមទាំង ២ គឺពិតជាតានតឹងមែនទែន ប៉ុន្តែជារួមខាងក្រុមភ្ញៀវ FC Barcelona ហាក់ធ្វើបានល្អជាង ដោយបញ្ចប់កាប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Rayo Vallecano ក្នុងលទ្ធផល ២ ទល់នឹង ១។

ក្នុងនោះ មួយគ្រាប់របស់ Rayo Vallecano គឺរកបានដោយកីឡការ Unai Lopez នៅនាទីទី ៩។ ចំណែក ២ គ្រាប់របស់ Barcelona វិញគឺរកបានដោយ Pedri នៅនាទីទី ៦០ និងមួយគ្រាប់ទៀតរកបានដោយខ្សែបម្រើប្រយុទ្ធចំណូលថ្មី កីឡាករ Dani Olmo នៅនាទីទី ៨២។

គួរបញ្ជាក់ថា តាមរយៈជ័យជម្នះយប់មិញនេះ គឺបានធ្វើឱ្យ Barcelona ហក់ឡើងមកឈរនៅកំពូលតារាងបណ្តោអាសន្ន ក្រោយឆ្លងកាត់ ៣ ប្រកួត ពួកគេឈ្នះទាំង ៣ ប្រកួត មាន ៩ ពិន្ទុពេញ ដោយឡែក Rayo Vallecano វិញ កំពុងឈរនៅលេខរៀងទី ៨ ក្រោយឆ្លងកាត់ ៣ ប្រកួតដូចគ្នា ពួកគេឈ្នះ ១ ស្មើ ១ និងចាញ់ ១ មាន ៤ ពិន្ទុ៕

សូមទស្សនាវីដេអូខាងក្រោម៖