អឺរ៉ុប៖ ខ្សែប្រយុទ្ធឆ្នើមក្រុមជម្រើសជាតិព័រទុយហ្គាល់ និង Al-Nassr កីឡាករ Cristiano Ronaldo បានបង្ហាញការជឿជាក់ថា Lamine Yamal នឹងក្លាយជាកីឡាករដែលល្អជាងគេម្នាក់នៅលើលោកនៅក្នុងជំនាន់បាល់ទាត់ថ្មីនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ មួយរយៈចុងក្រោយ ក្នុងវ័យ ១៧ឆ្នាំ កិត្តិនាមរបស់ Lamine Yamal បានផុះឡើងខ្លាំងមែនទែន ចាប់តាំងពីរូបគេត្រូវបានតម្លើងមកកាន់ក្រុមឈុតធំ Barcelona កាលពីឆ្នាំ ២០២៣ ជាពិសេសក្នុងព្រឹត្តិការណ៍ EURO 2024 បញ្ចប់ទៅថ្មីៗនេះ ក្នុងនោះគេបានរួមចំណែកជួយ អេស្ប៉ាញ ឈ្នះពានរង្វាន់ប្រចាំទ្វីបអឺរ៉ុបមួយនេះ ជាប់ឈ្មោះជាកីឡាករវ័យក្មេងល្អជាងគេប្រចាំព្រឹត្តិការណ៍ផងដែរ ព្រមទាំងបំបែកកំណត់ត្រាថ្មីៗជាច្រើនទាំងនៅក្លិប និង ជម្រើសជាតិ។
ទាក់ទងនឹងរឿងខាងលើ Ronaldo បាននិយាយថា៖
ខ្ញុំបានឃើញពីទេពកោលសល្យយ៉ាងច្រើនពី Lamine Yamal គាត់ជាកីឡាករដ៏ល្អ។ ខ្ញុំសង្ឃឹមថានៅថ្ងៃអនាគតគាត់នឹងគ្មានបញ្ហាអ្វី ហើយ ខ្ញុំគិតថា គាត់នឹងក្លាយជាកីឡាករដែលល្អជាងគេម្នាក់នៅក្នុងជំនាន់បាល់ទាត់ថ្មីនេះ៕
ប្រភព៖ Goal
Bong I.T