ថតស្ទាយ៍ថ្មី Angelina Jolie ស្អាតទា»-ក់ទាញខ្លាំង មិនស្មានថាអាយុជិត៥០ទេ

អាមេរិក៖ ដូចដែលប្រិយមិត្តបានស្គាល់ហើយថា លោកស្រី Angelina Jolie គឺជាតារាសម្ដែងអាមេរិកនិងផលិតការិនី ដ៏ល្បីល្បាញម្នាក់ក្នុងពិភពលោក ដោយក្នុងនោះលោកស្រីក៏ធ្លាប់ធ្វើដំណើរមកប្រទេសកម្ពុជា និងបានចូលរួមផ្សព្វផ្សាយពីវប្បធម៌ប្រទេសយើងផងដែរ។

ថ្មីៗនេះ Angelina បានធ្វើឲ្យអ្នកគាំទ្រចំហមាត់បន្ទាប់ពីបានថតរូបដាក់ទស្សនាវដ្ដី CR Fashion Book ដែលក្នុងនោះលោកស្រីបានលេងស្ទាយ៍យ៉ាងស្រស់ស្អាត និងកាលីប។

ក្នុងនោះរូបភាព ២សន្លឹក ទទួលបានការចាប់អារម្មណ៍ខ្លាំង ដោយលោកស្រីបានធ្វើសក់រួញ និងស្លៀករ៉ូបរលោងស្រិលសម្រុងវែងដល់កជើងយ៉ាងស្រស់ស្អាត ដែលបានបញ្ចេញរាងរៅស្ដើងស្គមស្វ៊ែលរបស់លោកស្រី និងទម្រង់មុខដ៏ទាក់ទាញ មើលទៅពិតជាហឹរ និងឆ្នាសឆ្នើមមានអំណាច ខណៈរូបភាពផ្សេងទៀតក៏ពិតជាមើលទៅឡូយឆាយនិងទាក់ទាញ ស័ក្តិសមជាតារាសម្ដែងជួរមុខរបស់ពិភពលោកពិតមែន៕  

ប្រភព៖ pagesix